इराणवर आर्थिक दबाव टाकण्यासाठी अमेरिका प्रत्येक प्रयत्न करत आहे. कोणत्याही देशाने इराणसोबत व्यापार केला तर त्या देशावर निर्बंध लादली जातील, असे अमेरिकेने स्पष्ट केले. अमेरिकेचे उपराष्ट्राध्यक्ष जे. डी. व्हान्स यांनी चीनबाबत एक महत्त्वपूर्ण विधान केले आहे. इराणसोबतच्या युद्धात चीन आपली साथ देत असल्याचे मोठे विधान त्यांनी केले. व्हान्स यांनी सांगितले की, इराणला आर्थिकदृष्ट्या वेगळे पाडण्याच्या प्रयत्नांमध्ये चीनही अमेरिकेची साथ देण्यास तयार आहे. अमेरिकेच्या या विधानाने मोठी खळबळ उडाली. चीन आणि इराण यांच्यात दरवर्षी मोठा व्यापार होतो. इराणचे तेल चीन खरेदी करतो. मात्र, आता खरोखरच चीन अमेरिकेची साथ देणार का? हा प्रश्न उपस्थित केला जातोय. यावेळी त्यांनी हे देखील स्पष्ट केले की, अमेरिकेने चीनला दिलेल्या प्रस्तावापैकी सर्वच गोष्टी मानण्यास चीन तयार नाही.
म्हणजे काही गोष्टींवर चीनची भूमिका वेगळी आहे. जे.डी. व्हान्स यांना विचारण्यात आले की, चीनच्या मदतीशिवाय इराणला आर्थिकदृष्ट्या वेगळे पाडण्याची अमेरिकेची मोहीम यशस्वी होऊ शकेल का? यावर बोलताना त्यांनी म्हटले की, या मुद्द्यावर अमेरिकेशी चर्चा करण्यास चीन इच्छुक आहे. पण त्यांना अमेरिकेच्या सर्वच अटी मान्य नाहीत.
जे.डी. वान्स यांनी एक महत्वाची गोष्ट मान्य केली. त्यांनी म्हटले की, अमेरिका आणि चीन यांच्यात धोरणात्मक मतभेद आहेत. दोन्ही देशांची हितसंबंधे एकसारखी नक्कीच नाहीत. पण डोनाल्ड ट्रम्प आणि चीनचे राष्ट्राध्यक्ष शी जिनपिंग यांचे संबंध खूप जास्त चांगले आहेत. आंतरराष्ट्रीय वादांमध्ये व्यापारी जहाजांना टार्गेट करणाऱ्या देशांच्या तुलनेत बीजिंग अधिक जबाबदारीने वागत आहेत.
इराणबाबत त्यांना आमच्याशी चर्चा करायची आहे. पण त्यांना काही गोष्टी मान्य नाहीत. आम्ही त्यावर चर्चा करू. पण यात अमेरिकेची साथ देण्यास नक्कीच चीन तयार आहे. आता अमेरिकेमधून आलेल्या या विधानाने इराणचे टेन्शन वाढले आहे. खरोखरच अमेरिकेची साथ चीन देणार का? हा प्रश्न उपस्थित केला जात आहे. जर चीनने अमेरिकेची साथ दिली तर एक वेगळे समीकरण तयार होईल.
Leave a Reply