पुण्यात विद्यानंद बापट यांच्यावर झालेल्या हल्ल्याप्रकरणी प्रियदर्शनी गणेश मंडळाचा माजी अध्यक्ष संतोष चव्हाण याला अटक करण्यात आली आहे. टीव्ही ९ मराठीशी संवाद साधत असताना बापट यांच्यावर हा हल्ला झाला. पुणे शहरातील जवळकर परिसरात ही घटना घडली.
गणेशोत्सवादरम्यान वाजवल्या जाणाऱ्या डीजे विरोधात विद्यानंद बापट यांनी घेतलेल्या भूमिकेमुळे हा हल्ला झाल्याचे समोर आले आहे. हल्लेखोर संतोष चव्हाणने बापट पुणेकरांच्या विरोधात भूमिका घेत असल्याचा आरोप करत त्यांच्यावर हल्ला केला. टीव्ही ९ चे कॅमेरामन अभिजीत पिसे यांनी हल्लेखोराला रोखण्याचा प्रयत्न केला, परंतु तो बापट यांच्या दिशेने धावला.
विद्यानंद बापट हे पुण्याच्या नारायण पेठेत राहणारे वाणिज्य पदवीधर आहेत, जे बीपीओमध्ये नोकरी करतात. गणेशोत्सवातील डीजे विरोधातील त्यांच्या भूमिकेमुळे ते चर्चेत आले आहेत. पुणे पालिकेच्या बैठकीत त्यांनी भूमिका मांडल्यापासून त्यांना विरोध वाढला होता. त्यांच्या अस्खलित मराठी आणि संस्कृत शब्दांच्या वापरामुळे ते सोशल मीडियावरही लोकप्रिय आहेत. सध्या या प्रकरणाचा तपास सुरू आहे.
Leave a Reply