गेल्या काही दिवसांपासून देशातील विमान अपघाताच्या अनेक घटना समोर येत आहेत. कुठे विमानामध्ये बिघाड होत आहे तर कुठे विमान वेगळ्याच विमानतळावर लँड होताना दिसत आहे. नुकताच गोव्याहून दिल्ली जात असलेल्या इंडिगोच्या फ्लाइटचे इंजिन खराब झाले. सूत्रांनी दिलेल्या माहितीनुसार, फ्लाइट क्रमांक ६ई २१०२ मंगळवारी सकाळी गोव्याहून दिल्लीसाठी निघाली होती. थोड्या वेळानेच एका इंजिनमध्ये बिघाड झाल्याची सूचना मिळाली. त्यानंतर वैमानिकाने मोठा निर्णय घेतला आणि सर्व प्रवाशांना सुखरुप पोहोचवले.
नेमकं काय घडलं?
सूत्रांच्या मते, ६ई २१०२ हे फ्लाईट सकाळी गोव्याहून दिल्लील निघाली होती. पण अचानक एका इंजिनमध्ये बिघाड झाल्यामुळे विमान परत गोव्याला पाठवण्यात आले आणि मोपा विमानतळावर त्याचे आपत्कालीन लँडिंग करण्यात आले. सर्व प्रवासी सुरक्षित आहेत. सुमारे सकाळी ९:३० वाजता एअर ट्रॅफिक कंट्रोल (एटीसी) ने संपूर्ण आपत्कालीन स्थिती जाहीर केली होती. विमान सकाळी ९:५१ वाजता रनवे २८ वर सुरक्षित उतरले गेले आणि स्टँड ६ वर पार्क झाले. एटीसीने १०:०३ वाजता आपत्कालीन स्थिती संपवली.
फ्लाइट सकाळी ११:४५ वाजता दिल्लीला पोहोचणार होते
सर्व प्रवासी सुरक्षित उतरले आणि त्यांना बोर्डिंग एरियात बसवण्यात आले. फ्लाइटराडार २४ नुसार, विमान दक्षिणी महाराष्ट्राच्या किनाऱ्याजवळून परत येत होते आणि विमानतळाकडे वळताना सुमारे १४,००० फूट उंचीवर होते.
ही फ्लाइट आधी सकाळी ११:४५ वाजता दिल्लीला पोहोचणार होती, पण आता दुपारी ३:३० वाजतासाठी पुन्हा निश्चित करण्यात आली आहे. इंजिनमध्ये नक्की काय बिघाड झाला, याबाबत अजून अधिक माहिती समोर आलेली नाही.
Leave a Reply