सोमवारी शिवसेना ठाकरे गटाला मोठा धक्का बसला, अखरे शिवसेना ठाकरे गटच्या 6 बडंखोर खासदारांनी शिवसेना शिंदे गटात प्रवेश केला आहे. त्यामुळे आता शिवसेना शिंदे गटाच्या खासदारांची संख्या ही 13 वर पोहोचली आहे. दरम्यान दुसरीकडेे राज्यात आणखी एक महत्त्वाची घडामोडी घडली, जिने सर्व महाराष्ट्राचं लक्ष वेधून घेतलं ती म्हणजे आज विधान परिषद निवडणुकीचा निकाल लागला, सर्व ठिकाणी अपेक्षित निकाल लागले. परंतु ज्या विधान परिषदेकडे संपूर्ण राज्याचं लक्ष लागलं होतं, त्या नाशिक विधान परिषदेमध्ये मात्र अनपेक्षित निकाल लागला, अपक्ष उमेदवार गोकुळ गीते यांनी महायुतीचे उमेदवार नरेंद्र दराडे यांना पराभवाचा धक्का दिला आहे.
दरम्यान गोकुळ गीते यांचे बंधू गणेश गीते हे भाजपमध्ये असल्यानं गोकुळ गीते हे भाजपलाच पाठिंबा देतील असं माण्यात येत होतं. मात्र गोकुळ गीते यांनी शिवसेना शिंदे गटाला पाठिंबा दिला आहे. काही तांत्रिक कारणामुळे त्यांचा पक्षप्रवेश झाला नाही, परंतु ते आता शिवसेना शिंदे गटाचे सहयोगी आमदार असणार आहेत. पत्रकार परिषद घेऊन गोकुळ गीते यांनी आपली भूमिका जाहीर केली, या पत्रकार परिषदेला मंत्री उदय सामंत आणि खासदार श्रीकांत शिंदे यांची उपस्थिती होती.
नेमकं काय म्हणाले गोकुळ गीते?
‘मी पूर्वीपासूनच एकनाथ शिंदे यांच्या कामाने प्रभावीत आहे. आमचे बंधू गणेश गीते हे स्थायी समितीचे सभापती असताना अनेकदा माझी आणि साहेबांची गाठभेट झाली आहे. त्यांची काम करण्याची पद्धत मला माहिती आहे. आपल्याकडे आलेल्या प्रत्येक माणसाला ते न्याय देतात, त्यामुळे पहिल्यापासून माझी इच्छा होती की, भविष्यात आपण शिंदेंसोबत काम करावं. नरेंद्र दराडे यांच्याबद्दल मतदारांच्या मनात प्रचंड नाराजी होती, ते या ठिकाणी माझ्या निकालामधून दिसून आलं आहे, अशी प्रतिक्रिया यावेळी गोकुळे गीते यांनी दिली आहे.
श्रीकांत शिंदे यांची प्रतिक्रिया
‘मी गोकुळ गीते यांचं मनापासून अभिनंदन करतो, त्यांचा विधान परिषद निवडणुकीमध्ये विजय झाला आहे. महायुतीच्या उमेदवाराचा पराभव झाला, निवडणुकीमध्ये यश अपयश येत असतं. अशा परिस्थितीमध्ये गोकुळ गीते हे निवडून आले, निवडून आल्या -आल्या एकनाथ शिंदे यांची भेट त्यांनी घेतली. एकनाथ शिंदे यांच्या कामामुळे ते प्रभावीत झाले आहेत. ते इथे आपल्या सर्वांसोबत बोलत आहेत. गोकुळ गीते हे येणाऱ्या काळात शिवसेनेचे सहयोगी सदस्य म्हणून काम करणार आहेत, आणि पुढच्या काळात नक्कीच शिवसेना पक्ष वाढीसाठी एकनाथ शिंदे त्यांच्यावर जी काही जबाबदारी देतील, त्या जबाबदारीला न्याय देण्याची क्षमता त्यांच्यामध्ये आहे, असं यावेळी खासदार श्रीकांत शिंदे यांनी म्हटलं आहे.
Leave a Reply