प्रत्येकाचं स्वतःची कार घेण्याचं स्वप्न असतं. मात्र वाढती महागाई, कारच्या किमती आणि दरमहा येणारा खर्च पाहता अनेकांचं हे स्वप्न लांबणीवर पडतं. पण योग्य बजेट, पुरेसं डाउन पेमेंट आणि नियोजन केल्यास 30 हजार रुपये मासिक पगार असतानाही कार खरेदीचा विचार करता येऊ शकतो.
विशेष म्हणजे बजेट कार आणि CNG मॉडेल्समुळे हा पर्याय मध्यमवर्गीयांसाठी तुलनेने सोपा होऊ शकतो. सुमारे 5 लाख रुपयांच्या कारसाठी शक्य असल्यास 1 ते 1.50 लाख रुपये डाउन पेमेंट केल्यास कर्जाची रक्कम कमी करता येते. उर्वरित रकमेसाठी बँकेकडून कार लोन घेतल्यास EMI तुलनेने कमी राहण्यास मदत होऊ शकते.
Maruti Suzukiची Alto K10 ही देशातील बजेट कारच्या पर्यायांपैकी एक आहे. या कारची सुरुवातीची एक्स-शोरूम किंमत सुमारे 3.70 लाख रुपयांपासून असल्याने कमी बजेटमध्ये नवीन कार घेऊ इच्छिणाऱ्यांसाठी ती पर्याय ठरू शकते.
Maruti Suzuki S-Presso हीदेखील कमी बजेटमधील कार आहे. तिची सुरुवातीची एक्स-शोरूम किंमत सुमारे 3.50 लाख रुपयांपासून असल्याने कमी किमतीत कार घेऊ इच्छिणाऱ्यांसाठी हा पर्याय उपलब्ध आहे.
Tata Motors ची Tata Tiago हीदेखील बजेटमध्ये येणारी लोकप्रिय कार आहे. तिच्या बेस व्हेरियंटची एक्स-शोरूम किंमत सुमारे 4.69 लाख रुपयांपासून असल्याचे नमूद केले जाते. मात्र मुंबईसारख्या शहरात RTO, इन्शुरन्स आणि इतर शुल्कांमुळे ऑन-रोड किंमत वाढते.
Leave a Reply