अमेरिका आणि इराणमध्ये अजूनही संघर्ष सुरूच आहे. इराणने अणु करार करावा यासाठी अमेरिकेकडून इराणवर दबाव निर्माण केला जात आहे. तसेच जर इराणने आता लवकरात लवकर अणु करार केला नाही तर आम्ही पुन्हा इराणवर हल्ला करू असा इशाराही अमेरिकेचे राष्ट्राध्यक्ष डोनाल्ड ट्रम्प यांनी दिला आहे. दरम्यान इराणकडून पुन्हा एकदा अमेरिकेला युद्ध थांबवण्यसाठी नवा प्रस्ताव देण्यात आला होता, तो प्रस्तावर देखील अमेरिकेनं फेटाळून लावला आहे, आता अणु करार आणि पूर्ण युद्धविराम हे एकाचवेळी होईल अशी आमची भूमिका असल्याचं अमेरिकेनं म्हटलं आहे. त्यानंतर डोनाल्ड ट्रम्प यांनी सोशल मीडियावर एक फोटो पोस्ट केला होता, ज्यामध्ये इराणच्या नकाशावर अमेरिकेचा झेंडा दाखवण्यात आला होता, युनायटेड स्टेट इन मिडल इस्ट असं कॅप्शन या फोटोला ट्र्म्प यांनी दिलं होतं, या फोटोमुळे जगभरात मोठी खळबळ उडाली होती.
दरम्यान अमेरिका आणि इराणच्या संघर्षामुळे स्ट्रेट ऑफ होर्मूज बंद आहे, त्यामुळे भारतासह जगातील अनेक देशांवर सध्या मोठं ऊर्जा संकट निर्माण झालं आहे. मात्र आता मोठी बातमी समोर येत आहे, ती म्हणजे अमेरिकेचे परराष्ट्र मंत्री मार्को रुबियो हे सध्या भारत दौऱ्यावर असून त्यांनी दिल्लीतून मोठी घोषणा केली आहे. त्यांनी स्ट्रेट ऑफ होर्मूजबद्दल मोठी अपडेट दिली आहे. पुढील काही तासांमध्येच स्ट्रेट ऑफ होर्मूजबद्दल गुड न्यूज मिळेल असं मार्को रुबियो यांनी म्हटलं आहे. स्ट्रेट ऑफ होर्मूज हा एक आंतरराष्ट्रीय मार्ग असून इराण त्यावर दावा करू शकत नाही, असंही यावेळी मार्को रुबियो यांनी म्हटलं आहे.
नेमकं काय म्हणाले?
मार्को रुबियो यांनी दिल्लीमध्ये बोलताना मोठा दावा केला आहे, पुढील काही तासांमध्येच आता स्ट्रेट ऑफ होर्मूजमधून गुड न्यूज समोर येईल असा दावा त्यांनी केला आहे. आमचं इराणसोबत बोलणं सुरू आहे, गेल्या 48 तासांमध्ये चर्चा प्रगतीपथावर पोहोचली आहे, त्यामुळे लवकरच गुड न्यूज समोर येईल. स्ट्रेट ऑफ होर्मूज हा एक आंतरराष्ट्रीय मार्ग आहे, त्यामुळे या मार्गावर इराण दावा करू शकत नाही, असंही मार्को रुबियो यांनी म्हटलं आहे. दरम्यान इराणला कधीही अण्वस्त्राची निर्मिती करू न देणे हीच आमची प्राथमिकता असल्याचंही यावेळी रुबियो यांनी म्हटलं आहे.
Leave a Reply