मान्सूनची सुरूवात झाली की आपल्यापैकी काहीजण असे आहेत ज्यांना या दिवसात निसर्गाच्या सानिध्यात जायला खुप आवडते. कारण या दिवसात निसर्गाच एक मनमोहक रूप पाहायला मिळते. रिमझिम पावसात गरम गरम चहा आणि भजीचा आस्वाद घेणे, आसपास हिरवळ, थंड वातावरण मनाला एक भुरळ पाडते. त्यामुळे या दिवसात अनेकजण पार्टनर सोबत लाँग ड्राइव्हला फिरायला जाण्याचा प्लॅन करतात. तर पावसाळ्यात एखाद्या ठिकाणाल भेट देण्याऐवजी तेथील रस्ते आणि रस्त्यांच्या आजुबाजूनी निसर्गाने ओढलेली हिरवी शाल हे दृश्य पाहणे खरचं अविस्मरणीय ठरते. या लेखात आपण भारतातील अशा पाच रस्त्यांबद्दल जाणून घेणार आहोत, जिथे पावसाळ्यात गाडीवरून फिरणे हा आयुष्यभराचा अविस्मरणीय अनुभव ठरेल. तथापि थोडी सावधगिरी बाळगणे आवश्यक आहे. या मार्गांवर तुम्हाला अचानक धबधबे, हिरवीगार वनराई आणि चोहोबाजूंनी डोंगर दिसू लागतील. हे दृश्य एखाद्या सिनेमातील दृश्यासारखेच असते.
काही ठिकाणांना ऋतूनुसार भेट देणे सर्वोत्तम असते, जसे की हिवाळ्यात बर्फाच्छादित ठिकाणे, उन्हाळ्यात थंडगार हिरवीगार ठिकाणे आणि पावसाळ्यात सुंदर नैसर्गिक दृश्यांनी भरलेल्या रस्त्यांवरून गाडी चालवणे खूप आनंददायी असते. या लेखात, भारतातील अशा पाच सुंदर रस्त्यांबद्दल जाणून घ्या जे पावसाळ्यात अधिकच खुलून दिसतात.
मुंबई ते लोणावळा
तुम्ही पावसाळ्यात मुंबई ते लोणावळा तुमच्या गाडीने प्रवास करण्याचा प्लॅन करायला हवा. विशेषतः पश्चिम घाट हिरव्यागार वनराईने नटलेला असतो आणि तिथली दृश्ये स्वर्गीसारखे सुंदर असते. हलके धुके, तरंगणारे ढग आणि विविध ठिकाणी दिसणारे छोटे धबधबे या मार्गाचे सौंदर्य आणखी वाढवतात.
दिल्ली ते लॅन्सडाउन
तुम्ही जर दिल्लीत राहत असाल, तर तुम्ही गाडीने लॅन्सडाउनला जाऊ शकता. लॅन्सडाउनला जाणारा रस्ता अत्यंत सुंदर आहे. जसा रस्ता गढवालमधील टेकड्यांसारख्या डोंगरांवर चढतो, तसे पाइनच्या जंगलांचे दृश्य, पर्वतांवरील धुके आणि नैसर्गिक सौंदर्यात पसरलेली शांतता मनाला सुखद वाटते.
चेन्नई ते पुदुचेरी
दक्षिणेकडे तुम्ही चेन्नई ते पुदुचेरी असा रोड ट्रिप करू शकता. पूर्व किनारपट्टीचा रस्ता वर्षभर मनमोहक असला तरी, पावसाळ्यात त्याचे रूपांतर एका स्वप्नवत दृश्यात होते. पावसाने भिजलेले रस्ते, थंडगार वारे, बंगालचा उपसागर आणि धुरकट आकाश हे सर्व मिळून एक असे दृश्य तयार करतात, जे शब्दातीत आहे.
बंगळूर ते कुर्ग
बंगळूरु ते कुर्ग हा मार्ग पावसाळ्यातही अत्यंत सुंदर असतो. हलक्या पावसानंतर कॉफीचे मळे मनमोहक दिसतात. मातीचा सुगंध हवेत दरवळतो आणि जंगलातील हिरवीगार वनराई बहरते. तुम्ही केवळ प्रवासाचा आनंदच घेणार नाही, तर वाटेत थांबून निसर्गरम्य दृश्य पाहण्याचा मोह आवरणार नाही.
शिलाँग ते चेरापुंजी
भारतातील सर्वात सुंदर पावसाळी रोड ट्रिपसाठी तुम्ही शिलाँग ते चेरापुंजी हा प्रवास नक्कीच करायला हवा. पावसाळ्यात मेघालयाचे सौंदर्य इतके अप्रतिम असते की त्याचे वर्णन करणे कठीण आहे. हिरव्यागार दऱ्यांमध्ये धुके रेंगाळते, रस्त्यांवर ढग दाटून येतात आणि दुधासारखे लाल धबधबे वाहतात. प्रत्येक वळणावर तुम्हाला काहीतरी खास अनुभवायला मिळेल.
Leave a Reply