Ashleigh Gardner : ऑस्ट्रेलियन महिला क्रिकेटर अॅशले गार्डनर ही लेस्बियन आहे. तिने एप्रिल 2025 मध्ये आपल्या लाँग टाईम पार्नटर मोनिका राईट हिच्याशी लग्न केलं होतं. दरम्यान, आता 29 वर्षीय अॅशले सध्या एका वैयक्तिक आणि अजब कारणामुळे चर्चेत आहे. अॅशले गार्डनरवर पत्नी मोनिका राईट हिला धोका दिल्याचा आरोप केला जातोय. अॅशले आणि मोनिका बऱ्याच दिवसांपासून वेगवेगळ्या राहात आहेत. गेल्या वर्षी मोनिका आणि अॅशले गार्डनर यांच्या नात्यात वितुष्ट निर्माण झालं होतं. आता तर मोनिकाने थेट सोशल मीडियावरच अॅशलेने नेमका काय धोका दिला? आणि तिचे कोणासोबत अफेअर चालू आहे, याबाबत खळबळजनक माहिती दिली आहे.
जॉर्जिया वोलसोबत आहे अफेअर?
मोनिकाने केलेल्या दाव्यानुसार अॅशले गार्डनर हिचे ऑस्ट्रेलियाची महिला क्रिकेटर जॉर्जिया वोल हिच्यासोबत अफेअर चालू आहे. जॉर्जिया वोल अवघ्या 22 वर्षांची आहे. मोनिकाने आपल्या इन्स्टाग्राम पोस्टवर एक स्टोरी ठेवली आहे. या स्टोरीमध्ये तिने जॉर्जिया वोलचा फोटो पोस्ट केला आहे. सोबतच या पोस्टमध्ये तिने याच व्यक्तीच्या सोबतीने माझी बायको मला धोका देत आहे, असा मोठा दावा तिने केला आहे. मोनिकाने थेट जॉर्जिया वोलचा फोटो पोस्ट केल्याने ऑस्ट्रेलियाच्या क्रिकेट विश्वात मोठी खळबळ उडाली आहे.
अॅशले गार्डनर अद्याप काहीही बोलली नाही
मोनिकाच्या या दाव्यानंतर अॅशले गार्डनर तसेच जॉर्जिया या दोघींनीही अद्याप कोणतेच स्पष्टीकरण दिलेले नाही. ऑस्ट्रेलियाच्या महिला क्रिकेटनेदेखील यावर अद्याप कोणतेही भाष्य केलेले नाही. रिपोर्टमनुसार मोनिका आणि अॅशले गार्डनर यांचे लग्न झाल्यानंतर अवघ्या दोन महिन्यातच त्यांच्यात वेगवेगळ्या कारणांवरून भांडण होऊ लागले. अॅशले गार्डनर तेव्हा भारताच्या दौऱ्यावर एकदिसवयी विश्वचषक स्पर्ध 2025 मध्ये खेळत होती.
मिळालेल्या माहितीनुसार अॅशले गार्डनर आणि मोनिका या दोघींनी मूल जन्माला घालण्याचाही विचार केला होता. त्यासाठी त्यांनी फर्टिलीटी सेंटरशी संपर्कही केला होता. परंतु नात्यात सतत खटके उडत असल्याने त्यांनी हा विचार पुढे ढकलला. दरम्यान, आता या प्रकरणात नेमकं काय होणार, हे पाहणं महत्त्वाचं ठरणार आहे.
Leave a Reply