शिवसेना पक्ष आणि धनुष्यबाण चिन्हावरून सुरू असलेल्या वादाची सर्वोच्च न्यायालयात अंतिम सुनावणी सुरू आहे. उद्धव ठाकरे गटाचे ज्येष्ठ वकील कपिल सिब्बल यांनी निवडणूक आयोगाच्या निर्णयावर अनेक प्रश्न उपस्थित केले. 2023 मध्ये निवडणूक आयोगाने एकनाथ शिंदे गटाला अधिकृत शिवसेना मानत पक्ष आणि धनुष्यबाण चिन्ह दिले होते. या निर्णयाला ठाकरे गटाने सर्वोच्च न्यायालयात आव्हान दिले आहे.
सुनावणी पूर्ण झाल्यानंतर शिंदे गटाचे खासदार नरेश म्हस्के यांनी प्रतिक्रिया दिली. कपिल सिब्बल यांनी पुन्हा वेळ मागितल्याचा दावा त्यांनी केला. म्हस्के म्हणाले, “कपिल सिब्बल 1 तास उशीरा आले. ते पुन्हा अशीच वेळ मागतील. कायम भावनिक वातावरण तयार केलं जातंय. आजच्या सुनावणीत नवीन काही दिसलं नाही.”
पुढे ते म्हणाले, “पक्षापासून दूर युबीटी गेली आहे. त्याचे परिणाम दिसत आहेत. चीफ जस्टीस यांच्यावर मी बोलणार नाही.”
काँग्रेसच्या अंतर्गत निवडणुकांचा संदर्भ देत म्हस्के म्हणाले, “काँग्रेस अंतर्गत पण निवडणूका होत असतात. शिवसेना पक्ष पण हा आमच्या सोबत आहे. बाळासाहेबांचे विचार युबीटीने सोडले तेच त्यांना भोगावे लागत आहे.”
कपिल सिब्बल यांच्या युक्तिवादावरही म्हस्के यांनी भाष्य केले. “कपिल सिब्बल म्हणते ब्रम्हवाक्य नाही. आमचा युक्तीवाद होईल त्यावेळी त्यांना समजेल,” असे ते म्हणाले.
Leave a Reply