Women Reservation: महिला आरक्षण विधेयकावरून खडाजंगी, संसदेच्या विशेष अधिवेशनात पहिल्याच दिवशी घडलं काय?

Parliament Session over Women Reservation Bill 2026: सध्या चर्चेत असलेले नारी शक्ती वंदना विधेयक, लोकसभा-विधानसभा मतदारसंघ पुनर्रचना विधेयक सादर करण्याचा सरकार प्रस्ताव बहुमताने मंजूर झाला. लोकसभेत त्यापूर्वी विरोधकांनी सरकारच्या हेतूवर आणि या बिलातील त्रुटींवर हल्ला बोल केला. तीनही बिलावर उद्या संध्याकाळी चार वाजता मतदान प्रक्रिया पूर्ण होईल. सध्या पाच राज्यांच्या निवडणुकीची धामधूम सुरू आहे. पुद्दुचेरीत निवडणूक झालेली आहे. तर इतर दोन राज्यातील मतदान झाले आहे. तामिळनाडू आणि पश्चिम बंगालमध्ये प्रचाराची रणधुमाळी सुरू आहे. अशावेळी हे बिल सादर करण्यास विरोधकांचा विरोध आहे.

संसदेत बिल सादर करण्याचा प्रस्ताव मंजूर

नारी शक्ती वंदन विधेयक, लोकसभा-विधानसभा मतदारसंघ पुनर्रचना विधेयक संसदेत सादर करण्याचा घटनेतील दुरुस्तीचा प्रस्ताव बहुमताने मंजूर झाला. या विधेयकावर चर्चा व्हावी यासाठी 251 मते पडली तर विरोधात 185 मते पडली आहेत. उद्या, 17 एप्रिल रोजी सध्याकाळी चार वाजता या तीनही विधेयकावर चर्चा सुरू होईल. तर पंतप्रधान नरेंद्र मोदी हे आज दुपारी तीन वाजता लोकसभेत त्यांचे मत मांडतील.

नारी शक्ती वंदन विधेयकावर काय म्हणाल्या केंद्रीय मंत्री शोभा करंदलाजे?

केंद्रीय मंत्री शोभा करंदलाजे यांनी नारी शक्ती वंदन विधेयकावर मत माडंले. आजचा दिवस हा महिलांसाठी महत्त्वपूर्ण आहे. गेल्या कित्येक वर्षांपासून महिला आरक्षणाची मागणी होत होती. पंतप्रधान नरेंद्र मोदी यांच्या नेतृत्वात महिला आरक्षण देण्याचा हा प्रयत्न आहे. विधेयक मंजूरीनंतर महिलांचा टक्का वाढेल. विरोधकांना मतदारसंघ पुनर्रचना विधेयकाची कोणतीही अडचण नाही. पण महिला विधेयकावरून त्यांचा विरोध सुरू आहे. काँग्रेससाठी केवळ एकच महिला महत्त्वाची आहे.

विरोधकांचा हल्लाबोल

केंद्रीय गृहमंत्री अमित शाह यांनी विरोधकांवर निशाणा साधला. नारी शक्ती वंदन अधिनियम हे तीन बिलासह दाखल होणार होते. सभागृहाने सहमतीने ते मंजूर केले. पण विरोधक सकाळफासूनच या बिलाला विरोध करण्याचा पवित्रा घेऊन आले आहेत, असा आरोप त्यांनी केला.

तर लोकसभेत विरोधी पक्षांनी घटनेच्या 131 व्या दुरुस्ती बिल, 2026 सादर करण्याला विरोध केला. त्यांनी अगोदर मतदान प्रक्रियेवर जोर दिला. DMK खासदार टीआर बालू, AIMIM खासदार असदुद्दीन ओवेसी यांच्यासह काँग्रेसच्या खासदारांनी बिल सादर करण्यास हरकत घेतली. TMC आणि CPI-M ने बिल सादर करण्यास विरोध दाखवला.

Source link