Sonia Sehrawat: CJP आंदोलकांना झुरळ म्हणून हिणवणाऱ्या RAF अधिकारी सोनिया यांचा पगार किती; कशी मिळते नोकरी?

Sonia Sehrawat: 20 जुलै पासून सुरु असलेल्या आंदोलनाचे अनेक फोटो आणि व्हिडीओ सोशल मीडियावर व्हायरल होत असताना रॅपिड ॲक्शन फोर्स (RAF) च्या अधिकारी सोनिया सेहरावत चर्चेचा केंद्रबिंदू ठरत आहेत. आंदोलनादरम्यान, जखमी झाल्यानंतर सोनिया यांनी माध्यमांसोबत संवाद साधला. एवढंच नाही तर, दोन दिवसांनंतर त्यांनी सोशल मीडियावर देखील एक पोस्ट शेअर केली. सोनिया यांच्या पोस्टनंतर सर्वत्र खळबळ माजली. सोनिया सेहरावत या सेंट्रल रिझर्व्ह पोलीस फोर्सच्या (CRPF) ‘रॅपिड ॲक्शन फोर्स’ (RAF) मध्ये असिस्टंट कमांडंट आहेत. मूळच्या हरियाणातील असलेल्या सोनिया यांनी UPSC CAPF परीक्षा उत्तीर्ण केल्यानंतर CRPF मध्ये नोकरी मिळवलं. तर चर्चेत आलेल्या सोनिया सेहरावत यांचा पगार किती आहे आणि RAF मध्ये नोकरी कशी मिळवता येते, याबद्दल सविस्तर जाणून ध्या

जंतर – मंतर प्रदर्शनानंतर सोनिया सहरावत चर्चेत…

रिपोर्टनुसार, सोनिया सेहरावत इन्स्टाग्राम स्टोरीवर एक पोस्ट शेअर केली. पण त्यांनी ती पोस्ट लगेचच डिलिट देखील केली. स्टोरीमध्ये लिहिलं होतं की, CAN’T FIX THEMSELVES AND THEY WANNA FIX THE COUNTRY…, सोनिया सहरावत यांनी पोस्ट डिलिट केली असली तरी, स्क्रिनशॉट सोशल मीडियावर सर्वत्र व्हायरल होत आहे. यावर CJP ने प्रत्युत्तर देखील दिलं. ‘झुरळ कधी मरच नाहीत…’, असं ट्विट सीजेपीने केलं.

RAF मध्ये असिस्टंट कमांडंट कसे होता येते?

RAF मध्ये असिस्टंट कमांडंटच्या पदासाठी कोणतीही स्वतंत्र थेट भरती प्रक्रिया नाही; त्याऐवजी, उमेदवारांना ‘युनियन पब्लिक सर्व्हिस कमिशन’ (UPSC) द्वारे घेतल्या जाणाऱ्या CAPF असिस्टंट कमांडंट परीक्षेत उत्तीर्ण व्हावं लागतं. निवड झालेल्या उमेदवारांची नियुक्ती CRPF सह विविध ‘सेंट्रल आर्म्ड पोलीस फोर्सेस’मध्ये (CAPF) केली जाते. या भरती प्रक्रियेत तीन टप्पे असतात: लेखी परीक्षा, शारीरिक क्षमता चाचणी व वैद्यकीय तपासणी, आणि मुलाखत किंवा व्यक्तिमत्त्व चाचणी देखील होते. त्यानंतर मेरिटच्या आधारावर उमेदवारांची नियुक्ती केली जाते.

RAF साठी पात्रता?

CAPF असिस्टंट कमांडंट परीक्षेसाठी अर्ज करण्यासाठी, उमेदवाराने मान्यताप्राप्त विद्यापीठातून पदवी प्राप्त केलेली असणं आवश्यक आहे. याशिवाय, उमेदवार भारतीय नागरिक असणं आणि वय 20 ते 25 वर्षांच्या दरम्यान असणं गरजेचं आहे. नियमांनुसार आरक्षित प्रवर्गातील उमेदवारांना वयोमर्यादेत सवलत दिली जाते आणि उमेदवारांनी शारीरिक व वैद्यकीय निकष पूर्ण करणंही आवश्यक असतं.

किती मिळतो पगार?

सातव्या वेतन आयोगांतर्गत, सीआरपीएफ CRPF मधील Assistant Commandant हे पद ‘गट-अ’ अधिकारी दर्जाचं मानलं जातं. याचं वेतन ‘पे लेव्हल 10’ नुसार निश्चित केलं जातं आणि ते दरमहा 67,700 ते 2,08,700 या श्रेणीत असतं. मूळ वेतनाव्यतिरिक्त, महागाई भत्ता, घरभाडे भत्ता आणि प्रवास भत्ता यांसारखे भत्ते तसेच इतर सरकारी लाभही त्यांना दिले जातात.

Source link