कांदा, साखर, दाळीच्या किंमती कडाडल्या आहेत. वस्तूच्या वाढत्या किंमतीमुळे सर्वसामान्यांची झोप उडाली आहे. आता लवकरच अंड्याच्या किंमतीही वाढणार असल्याची शक्यता व्यक्त करण्यात आली आहे. एका महिन्यानंतर अंड्याची किंमत वाढण्याची शक्यता आहे. मागील वर्षभरात अंड्याची किंमत 35-40 टक्के वाढ झाली आहे.
‘द इकोनॉमिक टाइम्स’च्या रिपोर्टनुसार, ‘राष्ट्रीय अंडी समन्वय समितीच्या आकडेवारीनुसार, सध्या बाजारात एक अंडीमागे ७ रुपये आकारले जात आहेत. तर किरकोळ बाजारात 8.50 ते 9 रुपये आकारले जात आहेत. कुक्कुटपालन उद्योग, बाजार तज्ज्ञांच्या अंदाजानुसार, हिवाळ्यात एका अंड्याची किंमत 20-25 रुपयांपर्यंत पोहोचण्याची शक्यता आहे. पण हा दर केवळ बँडेड, प्रिमियम अंड्यासाठी असणार असल्याचे सांगण्यात येत आहे.
मक्याचा वापर आता इथेनॉल निर्मितीसाठी
अंड्याची दरवाढ ही विशिष्ट प्रकारच्या अंड्यांमध्येच पाहायला मिळू शकते. सामान्य दर्जाची अंडी महागण्याची शक्यता कमी आहे. परंतु व्यावसायिकांचा अंडी उत्पादनाचा खर्च वाढला आहे. खाद्यासाठी वापरण्यात येणारा मक्याची किंमतही वाढली आहे. 20 टक्के इथेनॉल मिश्रणाच्या धोरणामुळेही बाजारात मक्याची किंमत वाढली आहे. भारतात उत्पादन होणाऱ्या मक्यापैकी सुमारे 37 टक्के मका हा इथेनॉल निर्मितीसाठी वापरला जातो. मक्याचा भाव हा तीन वर्षांत प्रती टन 14000 रुपयांवरून प्रति टन 26600 रुपयांवर पोहोचला आहे.
…तर अंडीचे दर देखील महागणार
रिपोर्टनुसार, संसदेच्या डाटानुसार, भारताच्या मक्क्याचं उत्पादन जवळपास 43.4 मिलियन टन इतकं आहे. त्यातील 17 मिलियन टन मक्याचा वापर हा इथेनॉल निर्मितीसाठी होत आहे. कुक्कुटपालन करताना लागणारं खाद्यापैकी 60 ते 70 टक्के भाग हा मक्याचा असतो. त्यात मक्याचा भाव वाढल्याने अंड्याच्या दरात वाढ झाली आहे. त्याचबरोबर कोंबड्यांना खाद्यासाठी सोयाबीनचा देखील वापर केला जातो. सोयाबीनच्या दरातही वाढ झाली आहे. त्यामुळे पोल्ट्री व्यावसायिकांना आर्थिक भार सहन करावा लागत आहे. तत्पूर्वी, भारतात साधारणपणे हिवाळ्यात अंड्याचा दर वाढतात. कोंबड़्यांना लागणारा खाद्य महागलं, तर अंड्याची किंमत सहाजिकच वाढणार आहे. चांगल्या गुणवत्तेची एक अंडी 20-25 रुपयांना विक्री होण्याची शक्यता आहे. प्रत्येक राज्यात अंडीचा दर वेगवेळा पाहायला मिळण्याची शक्यता आहे.
Leave a Reply