अभिनेत्री मलायका अरोरा सध्या तिच्या वैयक्तिक आयुष्यामुळे पुन्हा चर्चेत आली आहे. मलायका आणि डायमंड व्यावसायिक हर्ष मेहता यांच्या नात्याबाबत गेल्या काही काळापासून चर्चा सुरू आहे. आता दोघेही एका खास प्रसंगी एकत्र दिसल्याने त्यांच्या नात्याच्या चर्चांनी पुन्हा जोर धरला आहे. 26 ऑगस्ट रोजी मलायकाने तिच्या आईच्या घरी हर्ष मेहतासोबत ओणम साजरा केला. यावेळी मलायकाच्या घरी हर्षची उपस्थिती पाहून सोशल मीडियावर त्यांच्या लग्नाबाबत चर्चा होत आहेत. वयाच्या 52 व्या वर्षी मलायका पुन्हा संसार थाटणार की काय, असा प्रश्न नेटकरी करत आहेत.
ओणमच्या निमित्ताने हर्ष मेहता मलायकाच्या आईच्या घरी पोहोचला होता. पापाराझींनी त्याला कॅमेऱ्यात कैद करण्याचा प्रयत्न केला, मात्र हर्ष कॅमेऱ्यांपासून स्वतःला दूर ठेवताना दिसला. त्याचा हा व्हिडीओ सोशल मीडियावर व्हायरल झाल्यानंतर नेटकऱ्यांनी मलायका आणि हर्षच्या नात्याबाबत प्रश्न उपस्थित करण्यास सुरुवात केली. मलायका आणि हर्ष एकत्र दिसण्याची ही पहिलीच वेळ नाही. दोघांना याआधीही विविध ठिकाणी एकत्र पाहण्यात आलं आहे. त्यामुळे त्यांच्या नात्याबाबत गेल्या काही महिन्यांपासून सातत्याने चर्चा सुरू आहे. मार्च 2026 मध्येही मलायका हर्षसोबत राजस्थानातील एका मंदिरात दिसली होती.
पहा व्हिडीओ-
View this post on Instagram
हर्ष मलायकाच्या आईच्या घरी ओणम साजरा करण्यासाठी पोहोचल्याचं समोर आल्यानंतर नेटकऱ्यांनी लगेचच त्यांच्या लग्नाची चर्चा सुरू केली. काहींनी ‘रिश्ता पक्का झाला वाटतंय’, ‘शादी कब?’ अशा प्रतिक्रिया दिल्या, तर काहींनी दोघांची जोडी पसंत असल्याचं म्हटलं. काही नेटकऱ्यांनी तर ओणमच्या निमित्ताने हर्षने मलायकाच्या आईची भेट घेतल्यामुळे लग्नाबाबत कुटुंबात चर्चा झाली असावी, असा अंदाजही व्यक्त केला. मात्र, मलायका अरोरा किंवा हर्ष मेहता यांनी अद्याप त्यांच्या लग्नाबाबत कोणतीही अधिकृत घोषणा केलेली नाही.
मलायका आणि हर्ष यांच्या वयात जवळपास 17 ते 19 वर्षांचं अंतर आहे. मलायका यापूर्वी अभिनेता अरबाज खानसोबत विवाहबद्ध झाली होती. दोघांनी 1998 मध्ये लग्न केलं होतं आणि 2017 मध्ये त्यांचा घटस्फोट झाला. त्यांना अरहान खान हा मुलगा आहे. मलायका आणि हर्ष यांचं नातं अधिकृतपणे कधी जाहीर होणार किंवा दोघे लग्नाचा निर्णय घेणार का, याबाबत सध्या कोणतीही स्पष्ट माहिती नाही. मात्र, आईच्या घरी सण साजरा करण्यासाठी हर्षची झालेली उपस्थिती त्यांच्या नात्याबाबतच्या चर्चांना नक्कीच नवं कारण मिळवून देत आहे.
Leave a Reply