एमपीएससी पेपरफुटी प्रकरणात पोलिसांनी कारवाईचा धडाका लावला आहे. आतापर्यंत पोलिसांनी 6 आरोपींना अटक केली आहे. त्यात सुनील गाढवे याचाही समावेश आहे. सुनील गाढवे याने स्वत:च्या पत्नीसाठी पेपर फोडला आहे. त्यामुळे एमएसीएससी अध्यक्ष, सचिवांना तात्काळ निलंबित करण्याची मागणी मेहमबूब शेख यांनी केली. गाढवे हे अभिमन्यू याचे पीए असल्याचाही अप्रत्यक्ष आरोप मेहबूब शेख यांनी केला. मेहबूब शेख यांच्या आरोपांना प्रत्युत्तर देताना भाजप नेते नवनाथ बन यांनी रोहित पवारांवर गंभीर आरोप केला. आरोपी गाढवे हा रोहित पवारांचा उजवा हात असल्याचा आरोप बन यांनी केला.
भाजप नेते नवनाथ बन यांनी म्हटलं की, ‘सरकार कुठेही हातावर हात धरून नाही. आतापर्यंत ६ आरोपींना अटक केली आहे. त्यात एमपीएससीचा अधिकारी आहे. त्यालाही अटक केली आहे. सरकार आमचं आहे. कारवाई देखील आम्हीच करत आहे. आम्ही कोणालाही पाठीशी घालत नाही. यात राजकारण रोहित पवार करत आहे. रोहित पवारांनी बेगडी राजकारण करत आहेत. तुम्ही सुनील गाढवेंविषयी प्रश्न विचारत आहे. परंतु गाढवे तुमचा उजवा हात आहे. त्याच्यावर खुलासा करा. सरकार आमचं असून कारवाई करत आहोत. आतापर्यंत पोलिसांनी 6 आरोपींना बेड्या ठोकल्या आहेत’.
सरकार कोणत्याही दोषीला सोडणार नाही – बन
‘सरकारने कोणत्याही दोषीला सोडलं नाही. जे दोषी असतील, त्यात क्लासचा चालक असेल किंवा अन्य कोणी असेल. या सर्वांना अटक करून चौकशी केली जाते. यात आणखी कोणाचा संबंध असेल, तर त्यांच्यावरही कारवाई केली जाईल. कुणालाही पाठीशी घातलं जाणार नाही. परंतु सुनील गाढवे आणि रोहित पवार यांचं नातं काय आहे, संबंध नेमके काय आहेत, तुमचा उजवा हात म्हणून कधीपासून काम करत आहे. याचं उत्तर रोहित पवार देणार आहे का? आरोपीविषयी रोहित पवार काही बोलणार आहेत का? रोहित पवारांनी बोलायला हवं, असं चॅलेंज बन यांनी रोहित पवारांना दिलं.
आता रोहित पवारांनी पत्रकार परिषदेत बोलावं – नवनाथ बन
‘सुनील गाढवेचा भाजपशी कोणताही संबंध नाही. माझं अभिमन्यू पवार यांच्याशी बोलणे झालं. त्यांनी गाढवेशी कोणतेही संबंध असल्याचे फेटाळून लावले आहे. गाढवे कधीच अभिमन्यू पवार यांचे पीए नव्हते. अभिमन्यू पवार हे एमपीएससी विभागाचे लक्ष वेधून घेण्यासाठी सरकार दरबारी शिष्टमंडळाला घेऊन भेटले होते. त्यात गाढवे होता. परंतु गावढे याने अभिमन्य पवार यांचे पीए म्हणून कोणतंही काम कधी केलं नाही. गाढवे हा रोहित पवारांचा उजवा हात असून त्यांनी आता बोललं पाहिजे. रोहित पवारांनी मेहबूब शेख यांना पुढे करण्यासाठी रोहित पवारांनी पुढे यावे. ते रोज पत्रकार परिषद घेतात. आता मूग गिळून गप्प बसण्याची भूमिका रोहित पवारांनी का घेतली? मेहबूब शेख यांना पुढे का घेतलं, त्यांच्यामध्ये दम असेल, तर पत्रकार परिषद घेऊन भूमिका मांडावी, असे बन पुढे म्हणाले.
Leave a Reply