भाजप युवा मोर्चाने अमित ठाकरेंविरोधात शिवतीर्थावर आंदोलन करण्याच्या तयारीवरून महाराष्ट्र नवनिर्माण सेनेने (मनसे) तीव्र भूमिका घेतली आहे. मनसे नेते अविनाश जाधव यांनी भाजप कार्यकर्त्यांना थेट इशारा दिला आहे की, जर त्यांनी शिवतीर्थावर येण्याचा प्रयत्न केला, तर त्यांना नीट माघारी पाठवले जाणार नाही. त्यांनी जाताना कार्यकर्त्यांसाठी ॲम्बुलन्स पाठवण्याची सूचना भाजप नेतृत्वाला केली आहे.
मनसेच्या मते, कोणत्याही आंदोलनासाठी आझाद मैदान हा अधिकृत आणि योग्य मार्ग आहे. लोकशाहीत निषेध करण्याचा अधिकार सर्वांना असला तरी, तो लोकशाही मार्गाने आणि योग्य ठिकाणी व्हावा, असे मनसेने म्हटले आहे. शिवतीर्थावर येऊन नाटक केल्यास मनसेही प्रत्युत्तर देण्यास तयार असल्याचे जाधव यांनी स्पष्ट केले. “आम्ही तयारच बसलोय सकाळपासून वाटच बघतोय त्यांची” असे म्हणत मनसेने त्यांच्या भूमिकेची धार स्पष्ट केली आहे. दरम्यान, पुणे येथील शासकीय महाविद्यालयातून पंतप्रधान नरेंद्र मोदी यांचे फोटो हटवल्याच्या कथित प्रकरणाच्या निषेधार्थ भाजप युवा मोर्चा माहिममध्ये आंदोलन करत असून, तेथे मोठा पोलीस बंदोबस्त तैनात करण्यात आला आहे.
Leave a Reply