शिवसेना शिंदे गटाचे आमदार मुरजी पटेल यांनी मोठा दावा केला आहे. राज्यात येत्या काही दिवसांत ‘ऑपरेशन टायगर-4’ पाहायला मिळेल, असा दावा त्यांचीकेलाय. ठाकरे गटाचे 14 आमदार शिंदे यांच्या संपर्कात असल्याचं वक्तव्य मुरजी पटेल यांनी केलं आहे. लवकरच हे आमदार शिंदे गटात प्रवेश करतील, आमदारांनंतर ठाकरे गटातील नगरसेवकही शिंदे गटात प्रवेश करतील… असे संकेत देण्यात आले आहेत. तर दुसरीकडे, अमरावती जिल्हा स्त्री सामान्य रुग्णालयातील अतिदक्षता विभागाला आग लागून तीन बाळांना मृत्यू प्रकरणात मोठी अपडेट समोर आली आहे. दोन आठवडे उलटले तरी चौकशी समितीचा अहवाल आलाच नाही. 14 दिवस झाले तरी बाळाच्या मृत्यूला जबाबदार कोण असा सवाल उपस्थित होत आहे. आठच दिवसात समितीचा अहवाल येईल असं सांगण्यात आलं होतं मात्र दोन आठवडे उलटले तरी अहवाल आला नाही. त्यामुळे याप्रकरणी पुढे काय होणार पाहणं महत्त्वाचं ठरणार आहे. डोंबिवलीतून देखील मोठी माहिती समोर आली आहे. डोबिंवलीत भाजपला मनसेचा मोठा झटका बसणार आहे. भाजप प्रदेशाध्यक्ष आमदार रवींद्र चव्हाण यांच्या घराशेजारीच शेकडो भाजप कार्यकर्त्यांचा मनसेत प्रवेश होणार असल्याचं सांगण्यात येत आहे. यासह राज्य, देश-विदेशातील, क्रीडा आणि मनोरंजन क्षेत्रातील अपडेट्स जाणून घेण्यासाठी हा ब्लॉग फॉलो करा.
Leave a Reply