Lavender Marriage: समाजात विवाहाकडे खरे तर प्रेम, विश्वास आणि जीवनभर साथ देणारे नाते म्हणून पाहिले जाते. मात्र जगात काही असे देखील लग्न होतात, ज्यांचा हेतू केवळ कुटुंब वसवणे किंवा प्रेम संबंध प्रस्थापित करणे नसतो. ही एक नवीन टर्म ऐकायला मिळत आहे. ज्याला लॅव्हेंडर मॅरेज ( Lavender Marriage ) म्हटले जात आहे. अलिकडच्या दिवसात सोशल मीडियाच्याद्वारे रिलेशनशिप्सचे अनेक टर्म ओळखलीस पडत आहेत.त्यात हा देखील आहे. परदेशासह आता भारतातही अशा विवाहांसंदर्भात रस वाढला आहे.मात्र, हे लॅव्हेंडर मॅरेज ( Lavender Marriage ) नेमकं असतं तरी काय ?
लॅव्हेंडर मॅरेज अशा लग्नाला म्हटले जाते, ज्यात पती किंवा पत्नी अथवा दोघेही LGBTQ+ समुदायापैकी जोडलेले असू शकतात. अशात सामाजिक दबाव, कौटुंबिक अपेक्षा आणि सामाजिक भेदभावापासून वाचण्यासाठी आपली ओळख जगापासून लपवू इच्छीतात आणि एका पारंपरिक पुरुष-महिला विवाहाचे स्वरुप स्वीकारतात. अनेक प्रकरणात दोन्ही पक्ष आधीच हे नाते प्रेमाच्या ऐवजी सामाजिक सुरक्षा आणि दिखाव्यासाठी असल्याचे मान्य करीत असतात.असे विवाह खासकरुन त्या समाजात पाहायला मिळतात, जेथे समलैंगिकतेला स्वीकारली जात नाही.
सोप्या भाषेत समजायचे झाले तर लॅव्हेंडर मॅरेज असा विवाह असतो, जो नेहमीच्या प्रेम वा पारंपारिक वैवाहिक नात्यांमुळे नव्हे तर सामाजिक आणि कौटुंबिक दबावाने केला जातो. अशा लग्न बंधनात अडकणारे लोक बाहेरुन जगाला एक सामान्य पती-पत्नी सारखे दिसतात खरे, परंतू त्यांची खरी लैगिंग ओळख वा खाजगी भावना वेगळ्या असू शकतात. अनेक प्रकरणात दोन्ही पक्ष या गोष्टीला आधीच मान्यता देतात हे नाते शाही परिवार, नातेवाईक आणि समाजाच्या अपेक्षांना पूर्ण करण्यासाठी केले जात आहे. मात्र, याचे एक कारण मुलांचे सुख मिळवणे हे देखील आहे. अशा लग्नापासून ते पॅरेटिंग गोल्स देखील पूर्ण करु शकतात. अशात ते लॅव्हेंडर मॅरेजला एका मार्गाच्या रुपात पाहातात, ज्यामुळे ते आपली खाजगी जीवन आणि सामाजिक जबाबदारी दरम्यान संतुलन बनवू शकतात.
लॅव्हेंडर रंगाची निवड का केली ?
LGBTQ+ समुहासोबत लॅव्हेंडर रंगाचा संबंध अनेक वर्षे जुना आहे. लॅव्हेंडर, गुलाबी आणि निळ्या रंगानी हा रंग तयार झाला आहे. या रंगाला वेगवेगळी ओळख आणि विविधतेचे प्रतिक मानले जाते. आधीच्या काळात LGBTQ+ लोकांना आपली ओळख लपवायला लागायची आणि त्यांना भेदभावाची वागणूक मिळायची. हळूहळू लॅव्हेंडर कलर त्यांचा संघर्ष, ओळख आणि स्वीकार्यतेचा प्रतीक बनला. त्यामुळे LGBTQ+ समुदायाशी जोडलेला शब्दांत लॅव्हेंडरचा वापर करावा लागतो. जसे लॅव्हेंडर मॅरेज. आज हा रंग LGBTQ+ समुहाचा सन्मान, अस्मितेला दर्शवतो. २० व्या शतकाच्या सुरुवातीला हॉलिवूड आणि पाश्चिमात्य देशात अनेक कलाकार आणि सार्वजनिक हस्तींनी आपली खरी लैगिंक ओळख लपवण्यासाठी असे विवाह केले होते. हळू-हळू या विवाहांना लॅव्हेंडर मॅरेज म्हटले जाऊ लागले.
Leave a Reply