टीम इंडियाने अफगाणिस्तानचा मायदेशात झालेल्या एकमेव कसोटी सामन्यानंतर वनडे सीरिजमध्ये सुपडा साफ केला. त्यानंतर आता टीम इंडियाची युवा ब्रिगेड आयर्लंड दौऱ्यासाठी सज्ज झाली आहे. टीम इंडिया आयर्लंड विरुद्ध 26 जूनपासून 2 सामन्यांची टी 20i मालिका खेळणार आहे. बीसीसीआय निवड समितीने या आयर्लंड दौऱ्यासाठी 15 खेळाडूंची निवड केली आहे. या 15 पैकी 6 खेळाडू असे आहेत जे पहिल्यांदाच आयर्लंड विरुद्ध टी 20i सामना खेळणार आहेत. तर उर्वरित 9 खेळाडूंना आयर्लंड विरुद्ध खेळण्याचा अनुभव आहे. त्यामुळे भारताच्या 6 खेळाडूंचं आयर्लंड विरुद्ध पदार्पण होणार, असं म्हटलं तर चुकीचं ठरणार नाही.
श्रेयस अय्यर नेतृत्वासाठी सज्ज
आयर्लंड दौऱ्यातून टी20i टीम इंडियात नव्या पर्वाला सुरुवात होणार आहे. श्रेयस अय्यर या मालिकेपासून टी 20i कर्णधार म्हणून मैदानात उतरणार आहे. तर तिलक वर्मा याची पूर्णवेळ उपकर्णधार म्हणून पहिलीच टी 20i मालिका असणार आहे. तिलक याआधीही आयर्लंड विरुद्ध खेळला आहे. तर आयर्लंडमध्ये पहिल्यांदा येणाऱ्यांपैकी 6 खेळाडू असे आहेत ज्यांच्या आतंरराष्ट्रीय कारकीर्दीची सुरुवात होणार आहे.
वैभव सूर्यवंशी
आयपीएल स्टार वैभव सूर्यवंशी याची वयाच्या 15 वर्षी भारतीय संघात निवड करण्यात आली आहे. वैभवने नुकत्याच झालेल्या आयपीएल स्पर्धेच्या 19 व्या मोसमात ऑरेंज कॅप पटकावली होती. वैभवला त्या कामगिरीच्या जोरावर भारतीय संघात स्थान देण्यात आलं आहे. त्यामुळे वैभवच्या कामगिरीकडे भारतीय क्रिकेट चाहत्यांचं लक्ष असणार आहे.
तसेच सूर्यांश शेडगे याचीही पहिल्यांदाच भारतीय संघात निवड करण्यात आली आहे. सूर्यांशला दुखापतग्रस्त नितीश कुमार रेड्डी याच्या जागी संधी देण्यात आली आहे. प्रिन्स यादव याचं आंतरराष्ट्रीय पदार्पण झालंय. तसेच प्रिन्सची आयर्लंड आणि इंग्लंड विरूद्धच्या टी 20i मालिकेत निवड करण्यात आली आहे. हर्षित राणा याची आयर्लंड विरुद्ध खेळण्याची पहिली वेळ असणार आहे. तसेच ओपनर अभिषेक शर्मा याचाही हा पहिलाच आयर्लंड दौरा असणार आहे.
आयर्लंडमध्ये 15 पैकी 9 खेळाडूंना खेळण्याचा अनुभव आहे. या 9 खेळाडूंमध्ये संजू सॅमसन, ईशान किशन, अक्षर पटेल, प्रसिध कृ्ष्णा, शिवम दुबे, तिलक वर्मा, अर्शदीप सिंह, वॉशिंग्टनस सुंदर आणि रवी बिश्नोई यांचा समावेश आहे.
आयर्लंड दौऱ्यातील टी 20I मालिकेसाठी टीम इंडिया : श्रेयस अय्यर (कर्णधार), तिलक वर्मा (उपकर्णधार), अभिषेक शर्मा, संजू सॅमसन (विकेटकीपर), ईशान किशन (विकेटकीपर), शिवम दुबे, सूर्यांश शेडगे, अक्षर पटेल, वॉशिंग्टन सुंदर, रवी बिश्नोई, हर्षित राणा, अर्शदीप सिंह, प्रिंस यादव, वैभव सूर्यवंशी आणि प्रसिद्ध कृष्णा.
Leave a Reply