Hardik Pandya Trade Deal: आयपीएल 2026 संपल्यापासून हार्दिक पंड्या चर्चेचा विषय बनला आहे, हार्दिक मुंबई इंडियन्स सोडणार अशी चर्चा आयपीएल 2026 संपल्यापासून जोर धरत होत्या. आता हार्दिक नेमक्या कोणत्या संघात जाणार याबद्दलची खरी माहिती अद्याप काही समोर आलेली नाही. आधी तो चेन्नईमध्ये जाईल अशी चर्चा होती, नंतर लखनौ सुपर जायंट्स, कोलकाता नाईट रायडर्स आणि राजस्थान रॉयल्स यांच्यात तो सामील होणार अशी चर्चा सुरु होती. पण आता यामध्ये एक ट्विस्ट आला आहे. हा ट्विस्ट म्हणजे हार्दिक पंड्या गुजरात टायटन्समध्ये घरवापसी करण्यासाठी उत्सुक आहे. पण आता गुजरात टायटन्सने यावर जी प्रतिक्रिया दिली आहे त्याची आता जोरदार चर्चा सुरु आहे.
मुंबई इंडियन्सचा कर्णधार हार्दिक पंड्याने गुजरात टायटन्स संघात परतण्यासाठी वाटाघाटी केल्या होत्या, परंतु त्याला नकार देण्यात आला कारण त्याने स्वतःला कर्णधार बनवण्याची अट घातली होती. गुजरात टायटन्स संघ त्याला परत आणण्यास तयार होता. याच संघात पांड्याने 2022 मध्ये कर्णधार म्हणून आपल्या पदार्पणाच्या हंगामात आयपीएलचे विजेतेपद पटकावले होते आणि त्यानंतर 2024 मध्ये तो मुंबई इंडियन्समध्ये परतला होता. त्यांनी सध्याचा कर्णधार शुभमन गिलसोबत या शक्यतेवर चर्चा केली होती, परंतु पंड्याच्या कर्णधारपदाच्या अटीमुळे या करारात अडथळा निर्माण झाला. याबद्दल अद्याप अधिकृत माहिती समोर आलेली नाही.
एका सूत्राने सांगितले, “फ्रँचायझी त्याच्या परतण्यास तयार होती. त्यांनी सध्याचा कर्णधार शुभमन गिलसोबतही यावर चर्चा केली होती आणि फ्रँचायझी त्याला परत संघात घेऊ शकते याला तो सहमत झाला होता, परंतु जेव्हा कर्णधारपदाची अट घालण्यात आली, तेव्हा सर्वांनी नकार दिला.” वृत्तानुसार, भारताचा स्टार अष्टपैलू खेळाडू हार्दिक पांड्या आयपीएल 2027 पूर्वी मुंबई इंडियन्स संघ सोडणार आहे. फ्रँचायझीमध्ये त्याचे पुनरागमन अयशस्वी ठरले आहे, ज्यामुळे फ्रँचायझी आणि खेळाडू दोघांनीही विभक्त होण्याचा विचार केला आहे. या संदर्भात, पाच वेळा चॅम्पियन ठरलेला हा संघ कोलकाता नाईट रायडर्स आणि चेन्नई सुपर किंग्ससह अनेक आयपीएल फ्रँचायझींसोबत चर्चेत असल्याचे वृत्त आहे, परंतु अद्याप कोणताही करार निश्चित झालेला नाही.
Leave a Reply