बॉलिवूडचा प्रसिद्ध रॅपर बादशाह आणि पंजाबी अभिनेत्री ईशा राखी यांनी घटस्फोटाची घोषणा केली आहे. लग्नाच्या केवळ पाच महिन्यांमध्ये दोघांनी वेगळे होण्याचा निर्णय घेतला. त्यांच्या या निर्णयाने अनेकांना धक्का बसला आहे. आता सोशल मीडियावर बादशाहने ईशाला पोटगी म्हणून किती रक्कम दिली अशी चर्चा सुरु आहे.
गेल्या काही दिवसांपासून बादशाह आणि ईशा यांच्या नात्यात दुरावा आल्याच्या चर्चा रंगल्या होत्या. ईशाने केलेल्या एका पोस्टवर चर्चांना उधाण आले होते. आता दोघांनीही सोशल मीडियावर पोस्ट शेअर करत घटस्फोटाची घोषणा केली आहे.
बादशाहने त्याच्या अधिकृत इन्स्टाग्राम अकाऊंटवर, मी आणि ईशा रिखी यांनी परस्पर संमतीने वेगळे होण्याचा आणि आपापल्या मार्गांवर पुढे जाण्याचा निर्णय घेतला आहे. हा निर्णय परस्पर आदराने घेतला गेला आहे आणि आम्ही तुम्हा सर्वांना विनंती करतो की या वेळी आमच्या गोपनीयतेचा आदर करा या आशयाची पोस्ट शेअर केली.
बादशाहने 2012मध्ये पहिले लग्न केले होते. पण 2020मध्ये बादशाहने जॅस्मिन मसीहपासून वेगळे होण्याचा निर्णय घेतला. त्यानंतर मार्च 2026मध्ये बादशाहने पंजाबी अभिनेत्री ईशाशी लग्न केले. पण त्याचा हा संसारही फार काळ टिकला नाही. त्यांनी घटस्फोट घेतला आहे.
बादशाहने घटस्फोटाची घोषणा केल्यानंतर आता सोशल मीडियावर ईशाला पोटगी म्हणून किती रक्कम मिळाली असा प्रश्न विचारला जात आहे. मात्र, याबाबत अद्याप कोणतीही अधिकृत माहिती समोर आलेली नाही.
Leave a Reply