मागच्या 20 दिवसांपासून दिल्लीत जंतरमंतरवर सामाजिक कार्यकर्ते सोनम वांगचूक उपोषणाला बसले होते. आज सकाळीच दिल्ली पोलीस आंदोलनस्थळी पोहोचले. त्यांनी सोनम वांगचूक यांना रुग्णालयात दाखल केलं. पोलिसांकडून ही कारवाई सुरु असताना तिथे मोठा गोंधळ झाल्याच पहायला मिळालं. सोनम वांगचूक यांच्यासोबत या आंदोलनात सहभागी असलेले अभिजीत दीपके यांनी सोशल मीडियावर पोस्ट केली आहे. कॉकरोच जनता पार्टीचे संस्थापक असलेले अभिजीत दीपके यांनी गंभीर आरोप केला आहे. दिल्ली पोलिसांनी मला मारहाण करुन ताब्यात घेतलं असं अभिजीत दीपके यांनी म्हटलं आहे. हे आंदोलन सुरु झाल्यापासून अभिजीत दीपके हे सोनम वांगचूक यांच्यासोबत सावली सारखे वावरत होते.
मागच्या दोन-चार दिवसात विरोधी पक्षातील अनेक नेत्यांनी आंदोलन स्थळाला भेट दिली. शिक्षण मंत्री धर्मेंद्र प्रधान यांच्या राजीनाम्याच्या मागणीसाठी सोनम वांगचूक उपोषण करत होते. पण आज दिल्ली पोलिसांनी दिल्ली हायकोर्टाच्या आदेशावरुन ही कारवाई केली.
I have been beaten up and put under detention by Delhi Police
— Abhijeet Dipke (@abhijeet_dipke) July 18, 2026
28 जूनपासून आमरण उपोषण
सोनम वांगचूक यांना रुग्णालयात दाखल केल्यानंतर दिल्ली पोलिसांनी उपोषण स्थळावरुन आंदोलकांना हटवलं. नीट (NEET) सारख्या मोठ्या परीक्षेत झालेल्या पेपर लीक प्रकरणात केंद्रीय शिक्षण मंत्री धर्मेंद्र प्रधान यांना जबाबदार धरुन राजीनामा घ्यावा, या मागणीसाठी सोनम वांगचूक 28 जूनपासून आमरण उपोषणाला बसले होते. सोनम वांगचूक यांना रुग्णालयाच्या इमर्जन्सी कक्षात दाखल करण्यात आलं आहे. ते पूर्णपणे शुद्धीत आहेत. त्यांची प्रकृती स्थिर आहे.
कोर्टात दाखल झालेली जनहित याचिका
कोर्टाचे आदेश आणि मेडिकल एक्सपर्ट्सच्या सल्ल्यानुसार हे पाऊल उचलण्यात आलं असं दिल्ली पोलिसांनी सांगितलं. सोनम वांगचूक यांची प्रकृती बिघडत चाललेली. त्यांना वैद्यकीय देखभालीची आवश्यकता होती. दिल्ली उच्च न्यायालयात सोनम वांगचूक यांची सुरक्षा आणि प्रकृती स्वास्थासाठी एक जनहित याचिका दाखल झाली होती. त्यावर सुनावणी करताना कोर्टाने म्हटलेलं की, ‘डॉक्टरांकडून त्यांची नियमित तपासणी करावी आणि डॉक्टरांच्या रिपोर्टनुसार आवश्यक पावल उचलावी’
Leave a Reply