दिल्लीमध्ये रेवती सुळे आणि सारंग लखानी यांच्या रिसेप्शन सोहळ्याला राजकीय क्षेत्रातील अनेक दिग्गज नेत्यांनी उपस्थिती लावली. या सोहळ्याचे फोटो आणि व्हिडीओ सध्या चर्चेत आहेत.
या रिसेप्शनला पंतप्रधान नरेंद्र मोदी यांच्यासह केंद्रीय गृहमंत्री अमित शाह, सोनिया गांधी, राहुल गांधी, प्रियंका गांधी यांसारखे प्रमुख नेते उपस्थित होते. याशिवाय सुळे आणि पवार कुटुंबातील सदस्यांनीही कार्यक्रमाला हजेरी लावली.
रिसेप्शन सोहळ्यात पंतप्रधान नरेंद्र मोदी आणि आमदार रोहित पवार यांच्यात संवाद झाल्याचे पाहायला मिळाले. यावेळी मोदी यांनी रोहित पवार यांच्या कामाबाबत विचारणा केली. तसेच रोहित पवार यांच्या पत्नी कुंती पवार यांच्याशीही त्यांनी संवाद साधला.
रोहित पवार आणि कुंती पवार यांच्यासोबत संवाद साधताना पंतप्रधान नरेंद्र मोदी यांनी मिश्किल अंदाजात रोहित पवार यांच्या कामाबाबत भाष्य केले. यावेळी त्यांनी कुंती पवार यांच्याशी बोलताना, “रोहित बहोत लढते हो कभी हसा तो करो” असा संवाद केला. या भेटीचा व्हिडीओ समोर आल्यानंतर राजकीय वर्तुळात त्याची चर्चा सुरू झाली आहे. रिसेप्शनमधील या भेटीचे क्षण सोशल मीडियावरही चर्चेचा विषय ठरत आहेत.
Leave a Reply