रिपोर्टर : कृष्णा सोनारवाडकर – बॉलिवूड अभिनेता राजपाल यादव (Rajpal Yadav) याला मोठा दिलासा मिळाला आहे. चेक न वटल्याच्या सात प्रकरणांमध्ये दोषी ठरलेल्या राजपाल यादवला सुप्रीम कोर्टाने दिलासा दिला आहे. उद्यापर्यंत 5 कोटी रुपयांची रक्कम सर्वोच्च न्यायालयाच्या नोंदणी विभागाकडे जमा करण्याच्या अटीवर राजपाल यादव आणि इतरांना आत्मसमर्पण करण्यापासून सवलत देण्यात आली आहे. भारताचे सरन्यायाधीश सूर्यकांत, न्यायमूर्ती जॉयमाल्य बागची आणि न्यायमूर्ती व्ही. मोहना यांच्या खंडपीठासमोर यादव आणि राधा राजपाल यादव यांच्या याचिकांचा उल्लेख करण्यात आला. ॲडव्होकेट-ऑन-रेकॉर्ड (AoR) सौरभ त्रिवेदी यांनी या याचिकांचा तोंडी उल्लेख केला. खंडपीठाने संबंधित प्रकरणात नोटीस जारी करण्याचे निर्देश देत ‘मेसर्स मुरली प्रोजेक्ट्स प्रायव्हेट लिमिटेड’ आणि इतरांकडून 15 सप्टेंबरपर्यंत उत्तर मागवलं आहे.
‘ याचिकाकर्त्यांनी उद्यापर्यंत या न्यायालयाच्या नोंदणी विभागाकडे 5 कोटी रुपये जमा करावे, या अटीवर त्यांना आत्मसमर्पण करपासून सूट देण्यात येत आहे’ असं सर्वोच्च न्यायालयाने आपल्या आदेशात स्पष्ट केलं.
बातमी अपडेट होत आहे.
Leave a Reply