अमेरिकेत मोहन भागवतांच्या कार्यक्रमावरुन वाद पेटला आहे. राष्ट्रीय स्वयंसेवक संघाला 100 वर्ष पूर्ण झाली आहेत. या शताब्दी वर्षानिमित्त भारतात कार्यक्रम झाली आहे. जगातही अनेक ठिकाणी कार्यक्रम आयोजित करण्यात आली आहेत. अमेरिकेतील न्यूयॉर्कमध्ये 29 ऑगस्ट रोजी न्यूयॉर्कच्या मैडिसन स्केयरवर कार्यक्रम होणार आहे. त्याला कडाडून विरोध होत आहे. 61 संघटनांनी त्याविरोधात आवाज उठवला आहे. द्वेष पसरवणाऱ्यांचे या ठिकाणी काही काम नाही असा सूर स्थानिक नेत्यांनी आळवला आहे. यामुळे वातावरण तापले आहे.
मुस्लिम काऊन्सिलचाही विरोध
अमेरिकेतील न्युयॉर्क शहरात या कार्यक्रमाला विरोध होत आहे. काल 25 ऑगस्ट रोजी सिटी हॉलमध्ये इंडियन-अमेरिकेन मुस्लिम काऊन्सिलशी (IAMC) संबंधित धार्मिक संघटनांनी एक पत्रकार परिषद आयोजित केली आणि सरसंघचालकांच्या कार्यक्रमाला विरोध केला. यामध्ये डेमोक्रॅटिक पक्षाचे अमेरिकेन काँग्रेसची निवडणूक लढवणारे नेते ब्रँड लँडर यांचाही समावेश आहे. आमच्या शहरात भागवत, आरएसएस आणि त्यांच्या द्वेषाला कोणतेही स्थान नसल्याचा विरोधकांचा दावा आहे.
ममदानी यांचा विरोध
न्यूयॉर्क शहरातील भारतीय वंशाचे महापौर जोहरान ममदानी यांनी मोहन भागवत यांच्या दौऱ्याला विरोध केला आहे. त्यांनी स्पष्ट केले की ते या कार्यक्रमाला समर्थन देऊ शकत नाही. शहर प्रशासनाकडे एखादा खासगी कार्यक्रम रद्द करण्याचा अधिकार आहे की नाही हे आपल्याला माहिती नसल्याचे ते म्हणाले.
1. आरएसएसचे सरसंघचालक मोहन भागवत यांचा 29 ऑगस्टला न्यूयॉर्कच्या मैडिसन स्केयरवर कार्यक्रम होणार आहे
2. या कार्यक्रमात 5000 अमेरिकन भारतीय सहभागी होणार आहेत
3. भागवत यासाठी अमेरिकेत पोहोचले, तिथं त्यांचं स्वागतही झालं. पण रस्त्यावर उतरुन काही संघटना त्यांचा विरोधही करत आहेत
4. जवळपास 61 संघटनांनी हा कार्यक्रम रद्द करण्याची मागणी केली आहे
5. न्यूयॉर्कचे महापौर जोहरान ममदानी यांनी या कार्यक्रमाला पाठिंबा दिलेला नाही
6. पण कोणता खासगी कार्यक्रम रद्द करण्याचे अधिकार आपल्याला आहेत की नाहीत असा प्रश्नही त्यांनी उपस्थित केलाय
7. भागवतांचा हा कार्यक्रम RSSच्या शताब्दी वर्षाचा एक भाग आहे
8. या कार्यक्रमाचं आयोजन AHEAD फोरमनं केलंय
9. रक्षाबंधनाच्या दिवशी या कार्यक्रमातून ‘वसुधैव कुटुंबकम’चा संदेश दिला जाईल
Leave a Reply