Amravati Paratwada : अमरावती जिल्ह्यातील मुलींच्या कथित लैंगिक शोषणाच्या प्रकरणात आता नवनवीन दावे प्रतिदाव केले जात आहेत. हा मुद्दा भाजपाचे नेते तथा खासदार अनिल बोंडे यांनी लावून धरला असून या प्रकरणात ड्रग्स रॅकेट, पैशांसाठी व्हिडीओंना पॉर्नोग्राफी म्हणून विकण्यात आले, असाही दावा त्यांनी केला. दुसरीकडे परतवाड्याच्या प्रकरणात दिरंगाई केल्याचा आरोप करत ठाणेदार सुरेश मस्के, कर्मचारी अब्दुल याना निलंबित करा, अशी मागणीही त्यांनी केली आहे. तर दुसरीकडे या प्रकरणाचा तपास करण्यासाठी विशेष तपास पथकाची स्थापना करण्यात आली आहे. त्यामुळे आता या प्रकरणात पुढे काय होणार, याकडे समस्त महाराष्ट्राचे लक्ष लागले आहे.
एसआयटीची स्थापना, सखोल चौकशी होणार
मिळालेल्या माहितीनुसार परतवाडा लैंगिक शोषण प्रकरणी पोलीस अधीक्षक यांच्याकडून 11 पोलीस अधिकारी व 36 अंमलदारांचे विशेष तपास पथक (S.I.T.) स्थापन करण्यात आली आहे. सहाय्यक पोलीस अधीक्षक शुभम कुमार हे या तपास पथकाचे प्रमुख असतील. त्यामुळे आता या प्रकरणात अन्य बाबीही समोर येण्याची शक्यता आहे. दुसरीकडे अनिल बोंडे यांच्या नेतृत्वात भाजपच्या शिष्टमंडळाने पोलीस उपमहानिरीक्षकांची भेट घेतली आहे. ठाणेदार मस्के यांच्याकडे एका मुलीच्या पालकाने अडीच महिन्यापूर्वी तक्रार केली होती. परंतु खुपिया अब्दुल आणि ठाणेदार मस्के यांमनी कॉम्प्रमाईज केलं. त्यामुळे या दोघांना निलंबित करावं अशी मागणी अनिल बोंडे यांनी केली आहे.
पोलीस अधिकाऱ्यांना निलंबित करा
बोंडे यांच्या नेतृत्वात भाजपच्या शिष्टमंडळाने अमरावती रेंजचे पोलीस उप महानिरीक्षक रामनाथ पोकळे, आयुक्त राकेश ओला यांची भेट घेतली. दरम्यान अनिल बोंडे यांनी विविध मागण्या उपस्थित केल्या. संवेदनशीलतेने काम न करणाऱ्या अधिकाऱ्यांना निलंबित केल्याशिवाय इतर लोक जागृत होणार नाहीत. परतवाड्याचं प्रकरण एसपीच्या मर्यादेत राहिलेलं नाही. यात अनेक आरोपींचा समावेश आहे. अमरावती आणि नागपूर वरून हे प्रकरण हँडल केलं जातं होतं. अमरावती, परतवाडा या दोन शहरांमध्ये असलेल्या कोचिंग क्लासेसमध्ये या मुलांचा सहभाग होता, असा धक्कादायक आरोप ही अनिल बोंडे यांनी केला आहे.
अ़डीच महिन्यापूर्वी अयाजला अटक केले होते, पण…
कोचिंग क्लासेसमध्ये जाऊन मुलींचा संपर्क क्रमांक मिळवला जाई. ड्रग्स रॅकेट, पॉर्नोग्राफी व्हिडिओच्या माध्यमातून या व्हिडिओंची विक्री केली जात होती. त्या पैशाच्या जोरावर हे मुलं काम करत होते. यांना या संदर्भातील प्रशिक्षण देण्याचे काम अनेक वर्षापासून केलं जातं होतं. यातील मुख्य आरोप आयज याला अडीच महिन्यापूर्वी राजापेठ पोलीस ठाण्यात पकडण्यात आलं होतं, असाही दावा बोंडे यांनी केला.आयज याला पोलिसांनी पकडले होते. परंतु ताकीद देऊन त्याला सोडून देण्यात आलं. आरोपीच्या घरावर शासनाने बुलडोझर चालवून चांगलं काम केलं, अशीही भावना बोंडे यांनी व्यक्त केली.
Leave a Reply