उन्हाळा आला की सर्वांना गोड रसाळ आंब्यांचे आणि आमरसाचे वेड लागते. एकदा उन्हाळा संपला की आमरस खाण्याची इच्छा असूनही आपल्याला पुढच्या वर्षापर्यंत वाट पाहावी लागते.
पण आता तुम्हाला तुमची ही इच्छा मारण्याची गरज नाही. काही खास पद्धतींचा वापर करून तुम्ही आमरस केवळ काही दिवसच नाही, तर संपूर्ण वर्षभर ताजा आणि पिवळाधमक ठेवू शकता.
आमरस वर्षभर टिकवण्यासाठी तुम्ही घरच्या घरी पल्प स्टोअर करु शकता. हे करण्याची एक सर्वात सोपी आणि लोकप्रिय पद्धत आहे. यासाठी शक्यतो हापूस किंवा केशर आंबे निवडा. आंबे पूर्णपणे पिकलेले आणि डाग विरहित असावेत.
आंबे नीट धुवून व सोलून त्यांचा पल्प काढून घ्या. मिक्सरचा वापर करण्याऐवजी हाताने रस काढा. तसेच त्यात कोय घालून ठेवा, जेणेकरुन तो काळा पडत नाही.
आमरसामध्ये चवीनुसार साखर मिसळा. साखरमुळे आमरसाची फक्त चव वाढवत नाही, तर ती नैसर्गिक प्रिझर्व्हेटिव्ह म्हणून काम करते, ज्यामुळे रस दीर्घकाळ टिकतो. हा रस प्लास्टिकच्या एअरटाईट कंटेनरमध्ये किंवा झिप-लॉक बॅगमध्ये भरून फ्रीझरमध्ये ठेवा.
जर तुम्हाला रसाऐवजी आंब्याच्या फोडी साठवायच्या असतील, तर आंब्याचे मध्यम आकाराचे तुकडे करून घ्या. एका ट्रेमध्ये हे तुकडे एकमेकांना न चिकटवता ठेवून २-३ तास फ्रीझरमध्ये ठेवा. हे तुकडे पूर्णपणे गोठल्यावर ते एका झिप-लॉक बॅगमध्ये भरून पुन्हा फ्रीझरमध्ये ठेवा. जेव्हा हवे तेव्हा तुम्ही या फोडींचा रस किंवा मँगो शेक बनवू शकता.
आमरस स्टोअर करताना त्यात चुकूनही दूध किंवा पाणी घालू नका. यामुळे रस लवकर खराब होऊ शकतो. खाताना तुम्ही आवडीनुसार दूध घालू शकता. तसेच आमरसाच्या डब्यात आंब्याची एखादी स्वच्छ केलेली कोय टाकल्यास रस नैसर्गिकरित्या पिवळाधमक राहतो. काळा पडत नाही.
आमरस ठेवण्यासाठी नेहमी एअरटाईट कंटेनर वापरा, जेणेकरून फ्रीझरमधील इतर पदार्थांचा वास त्याला लागणार नाही. या सोप्या टिप्स वापरून तुम्ही फक्त उन्हाळ्यातच नव्हे, तर पावसाळ्यात आणि हिवाळ्यातही आमरसाचा आनंद घेऊ शकता.
Leave a Reply