पाकिस्तान सध्या हिंसेच्या आगीत होरपळून निघत आहे. रविवारी पाकिस्तानमध्ये मोठा दहशतवादी हल्ला झाला, या हल्ल्यामध्ये अनेकांचा मृत्यू झाला आहे. दुसरीकडे पाक व्याप्त काश्मीरमध्ये देखील गेल्या अनेक दिवसांपासून आंदोलन सुरूच आहे. आपल्या विविध मागण्यांसाठी लोक रस्त्यावर उतरले आहेत. काही दिवसांपूर्वी असीम मुनीर यांच्या आदेशावरून पाकिस्तानच्या सैनिकांनी पाक व्याप्त काश्मीरमधील आंदोलकांवर गोळीबार केला होता, या गोळीबारात अनेक आंदोलक मृत्युमुखी पडले होते. तर दुसरीकडे बलुचिस्तानमध्ये देखील अशीच स्थिती आहे. बलूच बंडखोरांनी पाकिस्तान सरकारच्या नाकात दम केला आहे. स्वातंत्र्य बलूचिस्तानची मागणी होत आहे. बलूच बंडखोरांकडून पाकिस्तानच्या सैन्यांवर हल्ले सुरू आहेत, या सर्व पार्श्वभूमीवर पाकिस्तानात प्रचंड अस्थिरता आहे. त्यातच महागाई वाढल्यामुळे नागरिकांमध्ये सरकारविरोधात असंतोष आहे. पाकिस्तानमध्ये हे सर्व घडत असतानाच आता मोठी बातमी समोर येत आहे, ती म्हणजे नवाज शरीफ यांनी पंतप्रधान होण्याची इच्छा व्यक्त केली आहे.
पाक व्याप्त काश्मीरमध्ये झालेल्या निवडणुकीत शहबाज शरीफ यांचा पक्ष असलेल्या मुस्लिम लीग नवाजला मोठा विजय मिळाला आहे, त्यामुळे त्यांनी आता पीओकेमध्ये सत्ता स्थापनेची तयारी सुरू केली आहे. पाकव्याप्त काश्मीरला वेगळा पंतप्रधान आणि पाकिस्तानला वेगळा पंतप्रधान अशी व्यवस्था पाकिस्तानमध्ये आहे. पीओकेसाठी स्वतंत्र पंतप्रधान तसेच सरकारची व्यवस्था करण्यात आली आहे. परंतु सुरक्षा आणि इतर महत्त्वाच्या खात्यांवर अप्रत्यक्षपणे पाकिस्तानी सरकारचंच नियंत्रण असतं, दरम्यान पीओकेमध्ये शहबाज शरीफ यांचा पक्ष विजयी झाल्यामुळे आता त्यांचे बंधू नवाज शरीफ यांनी पंतप्रधान होण्याची इच्छा व्यक्त केली आहे. दरम्यान पीओकेमध्ये होणाऱ्या कोणत्याही निवडणुकीला भारताकडून कोणतीही अधिकृत मान्यता नाहीये.
पाकिस्तानचे माजी पंतप्रधान नवाज शरीफ यांनी मुजफ्फरबादमध्ये बोलताना आपल्या मनातील इच्छा व्यक्त केली होती. जर पाकिस्तानमध्ये आपल्या पक्षाचं सरकार आलं तर मी शहाबाज शरीफ यांना सांगेल की मला पीओकेचा पंतप्रधान करा असं त्यांनी एका रॅलीला संबोंधित करताना म्हटलं होतं. यावेळी त्यांची मुलगी आणि पाकिस्तानमधील पंजाबच्या मुख्यमंत्री मरियम नवाज यांची देखील उपस्थिती होती. त्यामुळे आता नवाज शरीफ हे पंतप्रधान होणार का? हे पहाणं महत्त्वाचं ठरणार आहे.
Leave a Reply