मद्यप्रेंमींची झोप उडवणारी बातमी समोर आली आहे. अमेरिकेच्या एका सरकारी संस्थेकडून आलेल्या रिपोर्टमुळे मोठी खळबळ उडाली आहे. तु्म्ही दररोज एक घोट जरी नियमितपणे दारू पिली तरी देखील ती तुमच्या आरोग्यासाठी हानिकारक असल्याचं या रिपोर्टमधून समोर आलं आहे. तुम्ही दोन घोट दारू प्या, किंवा दोन पेग प्या दारू ही तुमच्या शरीरासाठी अत्यंत हानिकारक असल्याचं या रिपोर्टमध्ये म्हटलं आहे. एखादा व्यक्ती दररोज फक्त दोन घोट जरी नियमितपणे दारूचं सेवन करत असला तरी त्या व्यक्तीचा अकाली मृत्यू होण्याची शक्यता ही अधिक असते, असं या रिपोर्टमध्ये म्हटलं आहे. जर तुम्ही दररोज दोन पेग दारू पिली तर त्यामुळे अकाली मृत्यूचा धोका अधिकच वाढतो असंही या रिपोर्टमध्ये म्हटलं आहे. दरम्यान त्यानंतर आता या रिपोर्टवर अमेरिकेतील दारू कंपन्यांकडून प्रश्न उपस्थित करण्यात आले आहेत.
जर्नल ऑफ स्टडीज ऑन अल्कोहोल अँण्ड ड्रग्समध्ये या संदर्भात दावा करण्यात आला आहे. सुरुवातीला हा रिपोर्ट अमेरिकन सरकारने सार्वजनिकच केला नाही, असा देखील आरोप करण्यात आला होता. न्यूयॉर्क टाइम्सच्या एका रिपोर्टनुसार हा रिपोर्ट जनतेसमोर यावा अशी अमेरिकन सरकारची इच्छाच नव्हती, मात्र जेव्हा सातत्याने प्रयत्न झाले, तेव्हा हा रिपोर्ट सार्वजनिक करण्यात आला आहे. या रिपोर्टमुळे मोठी खळबळ उडाली आहे. तुम्ही दररोज दोन घोट जरी दारू पिली तरी तुमचा आकाली मृत्यू होण्याची शक्यता अधिक वाढते, असा दावा या रिपोर्टमध्ये करण्यात आला आहे.
या रिपोर्टमध्ये नेमकं काय म्हटलं आहे?
रिसर्च कर्त्यांकडून असा दावा करण्यात आला आहे की, या रिपोर्टमध्ये त्यांनी दारू पिण्याच्या दोन पद्धतीचा अभ्यास केला आहे. त्यांनी सुरुवातीला अशा लोकांसोबत संवाद साधला, जे दिवसाला नियमितपणे फक्त दोन घोट दारू पित होते. त्या लोकांचं असं म्हणणं होतं की, दिवसाला दोन घोट दारू ही शरीरासाठी फायद्याची आहे. या रिपोर्टमध्ये असा दावा करण्यात आला आहे की, प्रति हजार जणांमागे अशी एक केस आढळून आली की जो व्यक्ती नियमितपणे दारूचं सेवन करत होता, आणि त्याचा मृत्यू अकाली मृत्यू झाला. या लोकांना दारूसंबंधित काही आजार जडले होते, त्यामुळे त्यांचा मृत्यू झाला, तर काही जणांचा दारू पिल्यामुळे अपघात होऊन मृत्यू झाला, असा दावा या रिपोर्टमध्ये करण्यात आला आहे.
Leave a Reply