ठाकरे गटाचे वकील कपिल सिब्बल यांनी सुप्रीम कोर्टात शिवसेनेच्या निकालाचा फेरविचार करण्याची मोठी मागणी केली आहे. माजी सरन्यायाधीश चंद्रचूड यांच्या नेतृत्वाखालील पाच न्यायाधीशांच्या घटनापीठाने दिलेल्या निर्णयामुळे निवडणूक आयोगाला अधिकार मिळाला, ज्यामुळे शिवसेना शिंदे गटाला मिळाली. या निर्णयाचा सात न्यायाधीशांच्या घटनापीठाने पुनर्विचार करावा, अशी मागणी सिब्बल यांनी केली आहे.
विधानसभा, अध्यक्ष आणि निवडणूक आयोग या दोन्ही ठिकाणी एकाच वेळी सुनावणी झाल्याने निर्णयावर परिणाम झाला, असे सिब्बल यांचे म्हणणे आहे. जर विधानसभा अध्यक्षांनी आमदारांना अपात्र ठरवले असते, तर आमदारांची संख्या कमी झाली असती आणि त्यामुळे निवडणूक आयोगाचा निर्णयही बदलला असता, असा युक्तिवाद त्यांनी केला. यामुळे सिब्बल यांनी निवडणूक आयोगाने दिलेल्या निर्णयाबाबत तीव्र आक्षेप नोंदवला आहे. हा खटला अधिक काळ प्रलंबित ठेवण्याचा हा प्रयत्न असल्याचा आरोप विरोधकांकडून होत असला तरी, ठाकरे गटाने कायदेशीर लढाई सुरू ठेवली आहे.
Leave a Reply