OTT च्या जगात वेगवेगळ्या भाषांमधील असंख्य वेब सीरिज प्रेक्षकांच्या भेटीला येतात. मात्र, काही सीरिज अशा असतात ज्या रिलीज झाल्यानंतर अनेक वर्षे उलटली तरी त्यांची लोकप्रियता कायम राहते.
अशीच एक स्पॅनिश क्राइम थ्रिलर सीरिज म्हणजे ‘मनी हाइस्ट’. या सीरिजने जगभरातील प्रेक्षकांच्या मनावर अक्षरशः राज्य केले आहे. अॅलेक्स पिना यांच्या दिग्दर्शनाखाली तयार झालेली ‘मनी हाइस्ट’ ही मास्टरमाइंड ‘प्रोफेसर’ आणि त्याच्या टीमने आखलेल्या दोन मोठ्या दरोड्यांची कथा आहे.
जबरदस्त प्लॅनिंग, अॅक्शन, थरार आणि सतत बदलणारे ट्विस्ट यामुळे सुरुवातीपासून शेवटपर्यंत प्रेक्षकांना खिळवून ठेवण्यात ही सीरिज यशस्वी ठरते. या सीरिजचा पहिला सीझन 2017 मध्ये प्रदर्शित झाला. त्यानंतर या सीरिजचे एकूण 5 सीझन म्हणजेच 41 एपिसोड्स असलेल्या या सीरिजला जगभरातून प्रचंड प्रतिसाद मिळाला.
‘मनी हाइस्ट’च्या लोकप्रियतेचा अंदाज यावरून लावता येतो की, नेटफ्लिक्स इंडियाच्या सोशल मीडिया पोस्टनुसार ही सीरिज जगभरात तब्बल 670 कोटी तास पाहिली गेल्याचे सांगितले जाते. त्यामुळे ओटीटीवरील सर्वाधिक लोकप्रिय सीरिजपैकी एक म्हणून तिची चर्चा आजही होते.
सीरिजच्या IMDb रेटिंगलाही प्रेक्षकांची पसंती मिळाली असून तिला 8.2 रेटिंग मिळाले आहे. ‘मनी हाइस्ट’ला रिलीज होऊन अनेक वर्षे झाली असली, तरी तिची लोकप्रियता अजूनही कमी झालेली नाही. आजही युट्यूबवर फ्रीमध्ये बघत आहेत लोक.
Leave a Reply