Women’s T20 WC 2026 विजेत्या संघाला कोट्यवधींचं बक्षीस, उपविजेत्याला मिळणार इतकी रक्कम

आयसीसी वुमन्स टी20 वर्ल्डकप स्पर्धेला आता काही दिवसात सुरूवात होणार आहे. इंग्लंडमध्ये या स्पर्धेचा थरार रंगणार आहे. ही स्पर्धा 12 जून ते 5 जुलैदरम्यान होणार आहे. एकूण 12 संघ या स्पर्धेत भाग घेणार असून एकूण 33 सामने होणार आहे. सहा संघांचे दोन गट केले असून भारत आणइ पाकिस्तान एकाच गटात आहेत. या स्पर्धेच्या पहिल्या सामन्यात ऑस्ट्रेलिया आणि दक्षिण अफ्रिका भिडणार आहे. तर भारताचा पहिला सामना 14 जून रोजी असणार आहे. भारताचा पहिला सामना पाकिस्तानशी होणार आहे. असं असताना वुमन्स टी20 वर्ल्डकप स्पर्धेच्या बक्षिसाच्या रकमेची चर्चा होत आहे. वुमन्स टी20 वर्ल्डकप विजेत्या आणि उपविजेत्या संघाला किती रक्कम मिळणार ते जाणून घ्या.

आयसीसीने वुमन्स टी20 वर्ल्डकप स्पर्धेसाठी 87,64,615 यूएस डॉलर रक्कम बक्षीस म्हणून देण्याची घोषणा केली आहे. मागच्या स्पर्धेच्या तुलनेत ही रक्कम 10 टक्क्यांनी जास्त आहे. भारतीय रूपयात ही रक्कम 81.4 कोटी होते. मागच्या वर्ल्डकप स्पर्धेत ही रक्कम 79,58,077 डॉलर होती. म्हणजेच यंदा ही रक्कम 8.06 लाख डॉलरने वाढली आहे. विजेत्या संघाल जवळपास 22 कोटी रुपये बक्षीस मिळणार आहे. विजेत्या संघाला 23,40,00 डॉलर म्हणजेच 21.87 कोटी रुपये बक्षीस मिळणार आहे. मागच्या विजेत्या न्यूझीलंड संघाला जवळपास 20 कोटी रुपये मिळाले होते. मेन्स टी20 वर्ल्डकप 2026 स्पर्धेतील विजेत्या संघाला 25 कोटी रुपये देण्यात आले.

उपविजेत्या संघाला 11,70,000 डॉलर म्हणजेच 10.9 कोटी रुपये मिळणार आहे. तर उपांत्य फेरीत पराभूत होणाऱ्या संघांना 6.75 लाख डॉलर म्हणजेच 6.30 कोटी मिळतील. तसेच साखळी फेरीतील प्रत्येक विजयासाठी 29 लाख रुपये दिले जातील. या विश्वचषकात सहभागी होणाऱ्या प्रत्येक संघाला 247,500 डॉलर म्हणजेच अंदाजे 2.31 कोटी रुपये याची हमी दिली गेली आहे.

12 teams, seven venues, one ultimate prize

A comprehensive guide to the biggest-ever Women’s #T20WorldCup https://t.co/g5aDUKWFDK

— ICC (@ICC) June 4, 2026