Hayley Matthews Wicket Controversy: आयसीसी वुमन्स टी20 वर्ल्डकप 2026 स्पर्धेत इंग्लंड आणि वेस्ट इंडिज यांच्यात सामना पार पडला. या सामन्यात पंचांच्या निर्णयामुळे वादाला फोडणी मिळाली आहे. लॉर्ड्स मैदानावर खेळला गेलेल्या मैदानात वेस्ट इंडिजची कर्णधार आणि स्टार अष्टपैलू हेली मॅथ्यूजला पंचांच्या निर्णयामुळे धक्का बसला. वेस्ट इंडिजविरुद्धच्या चौथ्या षटकात सदर प्रकार घडला. इंग्लंडची गोलंदाज लिन्से स्मिथच्या गोलंदाजीवर हेली मॅथ्यूजने कट शॉट करण्याचा प्रयत्न केला. हा चेंडू थेट विकेटकीपर एमी जोन्सच्या हातात गेला. त्यानंतर एमपी जोन्सने जोरदार अपील केली. त्यांनी मैदानी पंच एन जनानी यांनी नाबाद दिलं. त्यानंतर इंग्लंडची कर्णधार चार्ली डीने रिव्ह्यू घेतला. पण तिसऱ्या पंचांनी बाद दिले. बॅट आणि बॉलमध्ये गॅप दिसत असूनही पंचांनी बाद दिला. त्यामुळे तिने मैदानात नाराजी व्यक्त केली.
या सामन्यातील विकेटच्या व्हिडीओच्या सुरूवातीला चेंडू बॅटच्या जवळून गेल्याचं दिसला. पण स्पष्ट डिफ्लेक्शन दिसलं नाही. त्यानंतर टीव्ही पंच निमाली परेरा यांनी अल्ट्रा एज तंत्रज्ञानाच्या माध्यमातून तपासण्याचा निर्णय घेतला. त्यात एक स्पाइक दिसली. म्हणजेच तेव्हा बॉल बॅटच्या संपर्कात असल्याचं दाखवत होती. पण त्याचवेळी फ्रेम तपासली तेव्हा बॉल बॅटपेक्षा लांब होता. पंच परेरा यांनी हा गॅप असल्याचं मान्य केलं आणि पुन्हा तपासलं. पण शेवटी मैदानी पंचांना आपला निर्णय बदलून आऊट देण्याचा आदेश दिला. त्यामुळे प्रत्येक जण आश्चर्यचकीत झालं. पंचांच्या या निर्णयामुळे हेली मॅथ्यूज प्रचंड नाराज दिसली. तसेच या निर्णयामुळे आश्चर्य व्यक्त केलं.
CONTROVERSY at T20 WORLD CUP during England vs West Indies
Hayley Matthews was given out by the 3rd umpire but there was a clear gap visible on the other frame between bat & bowl.
WAS IT OUT ACCORDING TO YOU ??? #T20WorldCup #ENGvWI pic.twitter.com/FpDFStemOF
— TheFakeFakeer (@TheFakeFakeer) June 24, 2026
हेली मॅथ्यूज हिने मैदान सोडण्यापूर्वी पंच जननी आणि एलोइस शेरिडन यांच्याशी वाद घातला. इतकंच काय मैदान सोडल्यानंतरही तिचा राग कायम होता. डगआऊटमध्ये तिने मुख्य प्रशिक्षक शेन डाउट्स यांच्यासोबतही बाद होण्याचा रिप्ले पाहिला. त्यानंतर तिने राखीव पंच कॅरिन क्लॉस्टे यांच्याशी बरीच चर्चा केली.
इंग्लंडने या सामन्यात 20 षटकात 7 गडी गमवून 186 धावा केल्या. तसेच विजयासाठी 187 धावांचं आव्हान दिलं. या धावांचा पाठलाग करताना 20 षटकात 5 गडी गमवून 148 धावा केल्या. हा सामना वेस्ट इंडिजने 38 धावांनी गमावला. या विजयासह इंग्लंडचा संघ उपांत्य फेरी गाठणारा पहिला संघ ठरला आहे.
Leave a Reply