भारतीय संघ इंग्लंड दौऱ्यावर असून वनडे मालिका सुरू आहे. या मालिकेतील पहिल्या सामन्यात भारताने 6 गडी राखून इंग्लंडला पराभवाची धूळ चारली. पण या सामन्यात विराट कोहलीची जादू काही चालली नाही. 6 चेंडूंचा सामना केला आणि अवघ्या 5 धावा करून बाद झाला. त्यामुळे आधीच विराट कोहलीची फलंदाजी पाहून क्रीडाप्रेमींमध्ये चिंता आहे. पण असं असताना विराट कोहली एका मोठ्या वादात अडकला आहे. विराट कोहलीच्या बॉडीगार्डने इंग्लंडमध्ये भारतीय पत्रकारांसोबत गैरवर्तन केलं. तसेच भारतीय पत्रकारांना घाणेरड्या शिव्या दिल्याचा आरोप आहे. सर्व पत्रकार संघापासून लांब उभे राहून टीम बसचा व्हिडीओ चित्रित करत होते. तेव्हा विराट कोहलीचा बॉडीगार्ड भडकला आणि त्याने भारतीय पत्रकारांना धमकावणं सुरू केलं.
विराट कोहलीच्या बॉडीगार्डने काय केलं?
इंग्लंडमध्ये वनडे मालिकेचं वृत्तांकन करण्यासाठी पत्रकार शुभायन चक्रवर्ती गेले आहेत. शुभायन चक्रवर्ती यांच्या दाव्यानुसार, विराट कोहलीच्या बॉडीगार्डने तिथे उपस्थित असलेल्या पत्रकारांसोबत गैरवर्तन केलं. शुभायन यांनी एक्सवर पोस्ट करत आरोप केला की, ‘हा विराट कोहलीचा बॉडीगार्ड आहे. एक माध्यम प्रतिनिधी संघाच्या प्रस्थानाचे चित्रीकरण करत होता आणि चाहत्यांसोबत उभा होता. त्याला तसे करण्याची परवानगी होती. पण विराट बसमध्ये चढल्यानंतर, हा बॉडीगार्ड त्या माध्यम प्रतिनिधीकडे गेला आणि त्याला शिवीगाळ करू लागला. तो म्हणाला, ‘इथून निघून जा. इथून निघून जा.’ जेव्हा त्या माध्यम प्रतिनिधीने आपण पत्रकार असून आपल्याकडे ओळखपत्र असल्याचे दाखवले, तेव्हा बॉडीगार्ड म्हणाला, ‘त्याला परवानगीची पर्वा नाही. इथून निघून जा.’ तो त्याला वारंवार शिवीगाळ करत राहिला. हे पूर्णपणे चुकीचे आहे.’
This is Virat Kohli’s bodyguard. A media person was standing at his designated area capturing team’s departure visuals and was standing with the fans. He had his media accreditation card. After Virat got inside the bus, this bodyguard came towards that media person and started… pic.twitter.com/q1ScmiqPaP
— Subhayan Chakraborty (@CricSubhayan) July 15, 2026
This is Virat Kohli’s bodyguard. He has been seen with him for the first time in this ODI series. Usually, when you’re with the BCCI, you don’t need a personal bodyguard. In India, there is separate security during matches, and when the team is abroad, the host cricket board also… https://t.co/ZIhTs3cU0M pic.twitter.com/A0Qzy6lNCI
— 𝐑𝐮𝐬𝐡𝐢𝐢𝐢⁴⁵ (@rushiii_12) July 15, 2026
विराट कोहलीसोबत पर्सनल बॉडीगार्ड कसा?
विराट कोहली स्वत:सोबत पर्सनल बॉडीगार्ड घेऊन जाण्याचं कारण काय? असा प्रश्न या निमित्ताने उपस्थित होत आहे. कारण बीसीसीआय टीम इंडियाच्या मालिकेदरम्यान सर्व खेळाडूंच्या सुरक्षेची व्यवस्था करते.संपूर्ण संघासोबत गार्ड्स असतात. त्यामुळे कोणताही खेळाडू खासगी बॉडीगार्ड घेऊ फिरू शकत नाही. मग हा नियम विराट कोहलीसाठी वेगळा आहे का? असा प्रश्न उपस्थित होत आहे. दरम्यान, विराट कोहलीच्या बॉडीगार्डने एक फॅनचा मोबाईल खेचून फोडला होता, असाही आरोप होत आहे. त्यामुळे इंग्लंडमध्ये विराट कोहली पर्सनल बॉडीगार्डच्या गैरवर्तनामुळे वादात आला आहे.
Leave a Reply