ठाण्यामध्ये 32व्या वार्षिक मॅरेथॉनचे उद्घाटन सकाळी उपमुख्यमंत्री एकनाथ शिंदे यांच्या हस्ते करण्यात आले. या स्पर्धेत तीस हजारांहून अधिक धावपटूंनी सहभाग नोंदवला. विशेष म्हणजे, या मॅरेथॉनमध्ये स्वतः एकनाथ शिंदे देखील धावताना दिसले. यावेळी बोलताना, शिंदे यांनी फिटनेसचे महत्त्व सांगितले. त्यांनी नमूद केले की, या स्पर्धेमध्ये विविध क्षेत्रांतील लोक सहभागी होतात, ज्यात केवळ स्पर्धकच नाहीत, तर ज्येष्ठ नागरिक, लोकप्रतिनिधी आणि कलावंतही धावण्याचा आनंद घेतात. शिंदे यांनी स्वतःच्या सहभागाबद्दल बोलताना सांगितले की, त्यांनी आज धावण्याचा आनंद घेतला आणि विनोदाने सांगितले की त्यांचा फिटनेस चांगला असल्याने त्यांचा नंबर एक आला आहे.
शिंदे यांनी या स्पर्धेला ऐतिहासिक संबोधले. त्यांनी सांगितले की, स्वर्गीय खासदार सतीश प्रधान साहेब यांनी या मॅरेथॉनची सुरुवात केली होती. या मॅरेथॉनमध्ये एवढ्या मोठ्या संख्येने लोकांचा सहभाग हा फिटनेस आणि सामुदायिक उत्साहाचे प्रतीक आहे.
Leave a Reply