आयपीएल स्पर्धेच्या 19 व्या मोसमात (IPL 2026) आतापर्यंत राजस्थान रॉयल्सने जबरदस्त कामगिरी केली आहे. राजस्थानने 9 पैकी 6 सामन्यांत विजय मिळवला आहे. राजस्थानच्या या यशात टीममधील खेळाडूंचंही योगदान आहे. यशस्वी जैस्वाल आणि वैभव सूर्यवंशी या सलामी जोडीने अपवाद वगळता राजस्थानला अप्रतिम सुरुवात मिळवून दिली आहे. वैभव या 15 वर्षीय फलंदाजाने आपल्या कारकीर्दीतील दुसऱ्या मोसमातही तडाखा कायम ठेवला आहे. वैभव प्रत्येक खेळीसह काही न काही विक्रम करतोय. अवघ्या 14 व्या वर्षी पदार्पण करणाऱ्या या वैभवने आयपीएल स्पर्धेत अनेक विक्रम मोडीत काढले आहेत. वैभवने या दरम्यान वर्ल्ड रेकॉर्डही आपल्या नावावर केले आहेत. त्यानंतर आता वैभवकडे आणखी एका माजी दिग्गजाला मागे टाकून वर्ल्ड रेकॉर्ड करण्याची संधी आहे.
वैभव वेगवान100 टी 20 षटकारांसाठी सज्ज
राजस्थानचा 19 व्या मोसामातील 10 वा सामना 1 मे रोजी होणार आहे. राजस्थान या सामन्यात दिल्ली कॅपिट्ल्स विरुद्ध 2 हात करणार आहे. वैभव सूर्यवंशी याला या सामन्यात 1 सिक्स ठोकून किरॉन पोलार्ड याचा वर्ल्ड रेकॉर्ड ब्रेक करण्याची संधी आहे. वैभवच्या निशाण्यावर टी 20 क्रिकेटमध्ये वेगवान 100 षटकार लगावण्याचा विक्रम आहे.
पोलार्डने टी 20 क्रिकेटमध्ये सर्वात वेगवान 100 षटकार लगावले आहेत. पोलार्डने 843 बॉलमध्ये षटकारांचं शतक पूर्ण केलं आहे. तर पोलार्डच्या या विक्रमपासून वैभव 1 सिक्स दूर आहे. वैभवने पोलार्डच्या तुलनेत कित्येक सामन्यांआधीच 99 षटकार लगावले आहेत. वैभवने 27 टी 20 डावांत 99 सिक्स लगावले आहेत. वैभवने यासाठी 511 चेंडूंचा सामना केला आहे. वैभव आणि पोलार्ड यांच्यात 332 चेंडूंचं अंतर आहे. त्यामुळे आता क्रिकेट चाहत्यांना वैभवच्या 1 पण विक्रमी षटकाराची प्रतिक्षा आहे.
आयपीएल 2026 मध्ये सर्वाधिक षटकार
दरम्यान वैभवच्याच नावावर 19 व्या मोसमात आतापर्यंत सर्वाधिक षटकारांचा विक्रम आहे. वैभवने या हंगामात 37 षटकार लगावले आहेत. राजस्थानची कामगिरी पाहता ते प्लेऑफसाठीचे दावेदार आहेत. त्यामुळे राजस्थान प्लेऑफ आणि अंतिम सामन्यापर्यंत पोहचली तर वैभवला वेस्ट इंडिजच्या आणखी एका माजी विस्फोटक फलंदाजाचा रेकॉर्ड ब्रेक करण्याची संधी असणार आहे.
आयपीएलच्या एका मोसमात सर्वाधिक षटकारांचा विक्रम हा ख्रिस गेल याच्या नावावर आहे. गेलने 2012 साली 59 षटकार लगावले होते. त्यामुळे 2011 साली जन्मलेला वैभव सूर्यवंशी गेलला मागे टाकण्यात यशस्वी ठरणार का? हे पाहणं औत्सुक्याचं ठरणार आहे.
Leave a Reply