सध्या दाक्षिणात्य चित्रपटांची क्रेझ पाहायला मिळते. चित्रपटांची कथा, भव्यदिव्य सेट आणि कलाकारांची भरती यामुळे दाक्षिणात्य सिनेमे पाहायला प्रेक्षकांना फार आवडत असल्याचे दिसत आहे. गेल्या काही दिवसांपासून सुपरस्टार यशचा ‘टॉक्सिक’ हा सिनेमा चांगलाच चर्चेत आहे. या सीनेमात यशने कारमध्ये दिलेल्या बोल्ड सीनची चांगलीच चर्चा रंगली. आता या चित्रपटाचा नवा टीझर प्रदर्शित झाला आहे. हा टीझर पाहून प्रेक्षकांमध्ये चित्रपटाबाबत उत्सुकता पाहायला मिळत आहे.
काय आहे टीझरमध्ये?
‘टॉक्सिक‘ सिनेमाचा दीड मिनिटांचा टीझर सर्वांचे लक्ष वेधून घेत आहे. या टीझरमध्ये अॅक्शन आणि बोल्डनेसचा मारा असल्याचे दिसत आहे. तसेच या चित्रपट बॉलिवूडमधील दिग्गज अभिनेत्रींची वर्णी असल्याचे देखील दिसत आहे. यशने काही मिनिटांमध्येच चाहत्यांची मने जिंकली आहेत. यशच्या’टॉक्सिक’चा टीजर ज्या नावाने प्रसिद्ध करण्यात आला आहे, ते आहे ‘लेडीज अँड लेडीज.’ १ मिनिट ४१ सेकंदांच्या या व्हिडिओमध्ये यशचे अनेक इंटिमेट सीन पाहायला मिळत आहेत. याशिवाय नयनतारा एकटीच भाव खाऊन गेली आहे. टीजरमध्ये नयनतारा कधी बाइक चालवताना, तर कधी बंदुकीने खेळ खल्लास करताना दिसते. या टीजरमध्ये पाच सुंदर अभिनेत्रींच्या घेरावात यश फसलेले दिसत आहेत.
पाच अभिनेत्रींची एण्ट्री
टीजरची सुरुवात डेंजर सायरनने होते. टीजरमध्ये प्रथम समुद्रकिनाऱ्यावर यशसोबत कियारा आडवाणी दिसते. त्यानंतर स्क्रीनवर बाइक वेगाने येताना दाखवली आहे. ही बाईक नयनतारा चालवत आहे. नयनताराचा लूक पाहून चाहते फिदा झाले आहेत. त्यानंतर कियारा आडवाणी पूर्ण मेकअपमध्ये यशची लव इंटरेस्ट म्हणून एंट्री करते. टीजरमध्ये यशची एंट्री झाल्यानंतर तारा सुतारिया देखील दिसते. तिचा लूक जबरदस्त आहे. रुक्मिणी वसंत साध्या लूकमध्ये दिसत असली तरी चित्रपटात ती जोरदार अॅक्शन करणार असल्याचे संकेत मिळतात. तिच्या हातात बंदूकही दिसते. हुमा कुरैशीचा लूकही अत्यंत आकर्षक आणि धाडसी आहे.
कधी प्रदर्शित होणार सिनेमा?
यशचा टॉक्सिक हा सिनेमा धुरंधर 2 सिनेमा प्रदर्शित झाला तेव्हाच प्रदर्शित होणार होता. पण दिग्दर्शकांनी सिनेमाच्या प्रदर्शनाची तारीख बदलली आहे. आता हा सिनेमा 26 ऑगस्ट रोजी प्रदर्शित होणार आहे. टीझर पाहिल्यानंतर आता चाहत्यांमध्ये चित्रपटाबाबत उत्सुकता पाहायला मिळत आहे.
Leave a Reply