Rohit Sharma Retirement: आंतरराष्ट्रीय टी-20 आणि कसोटी क्रिकेटमधून निवृत्त झाल्यानंतर, भारतीय क्रिकेट संघाचा डॅशिंग कर्णधार रोहित शर्मा आता एका नव्या प्रवासाला निघाला आहे. आपल्या बॅटने षटकार ठोकण्यासाठी ओळखला जाणारा ‘हिटमॅन’ पहिल्यांदाच एका नव्या पद्धतीने प्रेक्षकांचे मनोरंजन करताना दिसणार आहे. या नव्या उपक्रमाने मीडिया विश्वात खळबळ उडवून दिली असताना, रोहित लवकरच छोट्या पडद्यावर स्वतःच्या शोद्वारे अधिकृतपणे मनोरंजन विश्वात पदार्पण करणार आहे. पण रोहितने असं करण्यामागे एक मोठं कारण असल्याचे समोर येत आहे. रोहित शर्मा मनोरंजन करणार आहे हे चाहत्यांसाठी जितकी आनंदाची बातमी आहे तितकीच चिंताजनक बाबही ठरणार आहे.
रोहित शर्मा हा रिॲलिटी शो करणार आहे, हे समोर आलेल्या व्हिडिओच्या माध्यमातून समजत आहे. हा शो सहा महिने सुरु राहणार आहे असं एका रिपोर्टमधून समोर आले आहे. सहा महिने शो सुरु राहणार म्हटलं तर हे निश्चित आहे की हा रिॲलिटी शो करत असताना तो क्रिकेट खेळू शकत नाही. कारण तसे वेळापत्रक मॅनेज होणं अवघड ठरणार आहे. आमागी काळात अनेक एकदिवसीय सामने येत आहेत; जसे की बांगलादेश, वेस्ट इंडिज, न्यूझीलंड आणि झिम्बाब्वेविरुद्ध खेळणार आहोत. गौतम गंभीर आणि मॅनेजमेंटने त्याला निवृत्त होण्यासाठी भाग पाडले आहे. जर त्याला विश्वचषक खेळायचा असेल, तर त्याला रिॲलिटी शो सोडावा लागेल. अशी दाट शक्यता आहे की, बीसीसीआयला तो 2027 च्या विश्वचषकात खेळावा असे वाटत नाही. पुढील एका महिन्यात तो निवृत्त होथ आहे अशी बातमी समोर येण्याची शक्यता आहे.
आता रोहितचा शो कशा संदर्भात आहे याची माहिती आणखी समोर आलेली नाही. आता लवकरच याबाबतही गुपित चाहत्यांना कळेल. पण रोहितचा क्रिकेटमधील फॉर्म चांगला असूनही तो निवृत्त होईल ही बातमी काही चाहत्यांना आवडणार नाही. आता सर्व लक्ष या रोहितच्या निवृत्तीच्या एका निर्णयावर असणार आहे.
Leave a Reply