लॉर्ड्सच्या मैदानावर काल इंग्लंड विरुद्ध रोहित शर्माने ऐतिहासिक, तुफानी शतक झळकावलं. रोहित शर्माचं हे शतक खास यासाठी आहे, कारण या मॅचआधी लॉर्ड्सवर रोहित शर्मा शेवटचा सामना खेळणार, तो रिटायर होतोय अशा चर्चा सुरु होत्या. रोहितने हे खणखणीत शतक झळकवून आपल्यात किती क्रिकेट शिल्लक आहे, ते दाखवून दिलय. रोहित शर्माने झळकवलेल्या या शतकाबद्दल आता एक इंटरेस्टिंग खुलासा झाला आहे. रोहितने 110 चेंडूत 138 धावा केल्या. यात 17 चौकार आणि पाच षटकार होते. रोहितने ही शतक झळकवताना जी बॅट वापरली, ती ऑलराऊंडर शार्दुल ठाकूरची आहे. 388 धावांच्या विशाल लक्ष्याचा पाठलाग करताना रोहितने शार्दुलच्या बॅटचा वापर केला. टीम इंडियासाठी हा सामना करो या मरो होता. भारताला विजयासाठी 27 धावा कमी पडल्या. इंग्लंडने ही वनडे मालिका 2-1 ने जिंकली.
शार्दुल ठाकूरला सहकारी खेळाडू प्रेमाने लॉर्ड ठाकूर बोलतात. रोहित आणि शार्दुल एकाच शाळेत शिकले आहेत. बालपणापासून एकमेकांना ओळखतात. दोघे मुंबईकडून खेळतात. आयपीएलमध्ये मुंबई इंडियन्सचा ड्रेसिंग रुमही शेअर केलीय. शार्दुल ठाकूरने सांगितलं की, “माझा SS बॅट्ससोबत कॉन्ट्रॅक्ट आहे. याचे मालक जतीन सरीन माझ्यासाठी चांगल्या, चांगल्या बॅट बनवून पाठवतात. रोहितने एकदा माझ्याकडून बॅट्स मागितल्या होत्या. कारण त्याला त्या आवडलेल्या” “आम्ही सर्व रोहितवर भरपूर प्रेम करतो. त्यांनी क्रिकेटमध्ये आम्हाला आनंदाचे इतके क्षण दिलेत की, बॅट द्यायला नकार देण्याचा प्रश्नच नव्हता. आज लॉर्ड्सच्या ऐतिहासिक मैदानावर मी दिलेल्या बॅटने रोहितने शतक झळकावलं, याचा मला आनंद आहे” असं शार्दुल ठाकूर म्हणाला.
सहजासहजी हार मारुन आत्मसमर्पण करणार नाही
39 वर्षाच्या रोहित शर्माच्या भविष्याबद्दल सस्पेन्स कायम आहे. त्याच्या शतकी खेळीने रोहित सहजासहजी हार मारुन आत्मसमर्पण करणार नाही हे स्पष्ट झालय. आता रोहितच्या जागी रिप्लेसमेंटचा विचार चालू असेल तर तो निर्णय सिलेक्टर्सच्या हातात आहे. रोहितने या शतकाने सिद्ध केलय की, त्याच्यामध्ये अजून बरच क्रिकेट बाकी आहे. रोहित शर्मासाठी 19 जुलैचा रविवार खूपच खास ठरला.
Leave a Reply