रॉयल चॅलेंजर्स बंगळुरुचा कर्णधार रजत पाटीदार याने आयपीएल 2026 स्पर्धेत क्वालिफायर 1 सामन्यात (IPL 2026 Qualifier 1) गुजरात टायटन्स विरुद्ध पहिल्या डावात चाबूक खेळी केली आहे. रजतने धर्मशालेतील हिमाचल प्रदेश क्रिकेट असोसिएशन स्टेडियममध्ये झंझावाती अर्धशतक ठोकलं आहे. रजतने कृणाल पंड्या याच्यासोबत आरसीबीचा डाव सावरण्यासह फटकेबाजी केली. रजतने यासह हे अर्धशतक पूर्ण केलं. रजतच्या आयपीएल कारकीर्दीतील 19 व्या मोसमातील हे पाचवं अर्धशतक ठरलं. रजतने या अर्धशतकी खेळीनंतर आपला गिअर बदलला आणि गुजरातच्या गोलंदाजांची आणखी वेगाने धुलाई केली. मात्र रजतची एक संधी हुकली. रजत सोबत नक्की काय झालं? जाणून घेऊयात.
आरसीबीची बॅटिंग
गुजरातने टॉस जिंकून आरसीबीला बॅटिंगसाठी भाग पाडलं. आरसीबीसाठी विराट कोहली आणि वेंकटेश अय्यर या सलामी जोडीने 21 धावांची भागीदारी केली. त्यानंतर विराट कोहली आणि देवदत्त पडीक्कल या दोघांनी दुसऱ्या विकेटसाठी 38 बॉलमध्ये 72 रन्सची पार्टनरशीप केली. त्यानंतर गुजरातच्या जेसन होल्डर याने एकाच ओव्हरमध्ये विराट कोहली आणि देवदत्त पडीक्कल या दोघांना आऊट करत मैदानाबाहेरचा रस्ता दाखवला. त्यामुळे आरसीबी काहीशी बॅकफुटवर गेली. मात्र त्यानंतर कृणाल पंड्या आणि रजत पाटीदार या दोघांनी आरसीबीला सावरलं.
रजत-कृणालची निर्णायक भागीदारी
रजत आणि कृणाल या दोघांनी तिसऱ्या विकेटसाठी 45 बॉलमध्ये 95 रन्सची पार्टनरशीप केली. या भागीदारीने आरसीबीच्या मोठ्या धावसंख्येचा पाया रचला. त्यानंतर रजत पाटीदार यान इतर फंलदाजांसह भागीदारी करत आरसीबीला 255 रन्सपर्यंत पोहचवलं.
रजत पाटीदारची वादळी खेळी
𝗥𝗔-M-𝗣𝗔-GE in Dharamshala
Relive his knock: https://t.co/3oqMcyMYLk#TATAIPL | #Qualifier1 | #TheFinalLeap | #RCBvGT pic.twitter.com/lo5AEwV4Il
— IndianPremierLeague (@IPL) May 26, 2026
नाबाद परतला मात्र शतकाची संधी हुकली
रजतने आरसीबीसाठी सर्वाधिक आणि नाबाद 93 धावा केल्या. रजतने 33 चेंडूत ही खेळी केली. रजतने या खेळीत तब्बल 9 षटकार आणि 5 चौकार ठोकले. रजतला या दरम्यान शतक करण्याची संधी होती. मात्र रजतची ही संधी अवघ्या 7 धावांनी हुकली. मात्र रजत पाटीदार याच्या या खेळीमुळेच आरसीबीला मोठ्या धावसंख्येपर्यंत पोहचता आलं. त्यामुळे आता आरसीबी हा सामना जिंकणार की गुजरात विक्रमी धावांचा यशस्वी पाठलाग करुन फायनलचं तिकीट मिळवणार? हे पाहणं औत्सुक्याचं ठरणार आहे.
Leave a Reply