Rahul Gandhi Mimicry : राहुल गांधींकडून मोदींची मिमिक्री, भर मंचावर करून दाखवली ती अ‍ॅक्शन, व्हिडीओ एकदा पाहाच!

राहुल गांधी काँगेसच्या राष्ट्रीय संमेलनात उपस्थितांना मार्गदर्शन करत होते. यावेळी मंचावर उभे असताना ते मोदी सरकारच्या परराष्ट्र धोरणावर बोलत होते. मोदींचे परराष्ट्र धोरण किती फोल आहे, हे सांगत असताना त्यांनी अचानकपणे मोदींची अॅक्शन करून दाखवली. पंतप्रधान मोदी परदेशातील नेत्यांची भेट घेताना त्या नेत्याची थेट गळाभेट घेतात, असं राहुल गांधी यांना सांगायचं होतं. गळाभेट घेणं म्हणजे परराष्ट्र धोरण नसतं, असं राहुल गांधी यांना सुचवायचे होते. हे सर्व सांगत असताना राहुल गांधी यांनी मंचावर उपस्थित असलेल्या एका सहकाऱ्याला बोलावले. इकडे या म्हणत त्यांनी संबंधित सहकाऱ्याची थेट गळाभेट केली. राहुल गांधी यांनी सहकाऱ्याची गळाभेट घेताच उपस्थितांमध्ये एकच हशा पिकला. प्रेक्षकांनी टाळ्यांचा कडकडाट केला.

मोदी को राहुल गांधी की दो टूक @INCIndia#BoseTheRealHero#Traitors2 pic.twitter.com/7dHRW2RzJg

— A Ahmed (@_AAhmed004) August 13, 2026

दरम्यान, राहुल गांधी यांचा हा व्हिडीओ सध्या सोशल मीडियावर व्हायरल होत आहे. नेटकरी या व्हिडीओवर वेगवेगळ्या प्रतिक्रिया व्यक्त करत आहेत.राहुल गांधी यांनी केलेल्या मिमीक्रीचा व्हिडीओ काँग्रेसने आपल्या अधिकृत सोशल मीडियावर खात्यावरही शेअर केला आहे. मोदी हे परदेशी नेत्यांच्या जबरदस्ती गळ्यात पडतात अशी टीका काँग्रेसने या व्हिडीओत केली आहे.