नेपाळमध्ये आलेल्या महापुरामुळे हजारो लोकांचे जनजीवन विस्कळित झाले आहे. पुराच्या पाण्यात अनेक लोक बेपत्ता झाले आहेत. यात भारतातील 100 पेक्षा जास्त पर्यटकांचा समावेश आहे. नेपाळमधील महापुराचे व्हिडिओ सोशल मीडियावर व्हायरल होत असताना आता चीनमधून मोठी बातमी समोर आली आहे. दक्षिण चीनच्या गुआंग्शी झुआंग प्रदेशातील निंगमिंग शहर भीषण पुरामुळे पाण्याखाली गेले आहे. येथील विध्वंसाचा धडकी भरवणारा व्हिडिओ सध्या सोशल मीडियावर व्हायरल झाला आहे. याबाबत सविस्तर माहिती जाणून घेऊयात.
शहराचा संपर्क तुटला
मुसळधार पावसामुळे निंगमिंगमधील प्रमुख जलमार्ग असलेल्या मिंगजियांग नदीला मोठा पूर आला आणि नदीचे पाणी सखल भागांमध्ये शिरले. यामुळे अनेक रस्ते, शेती आणि नदीकाठचा परिसर आता मोठ्या प्रमाणात पाण्याखाली गेला आहे. व्हायरल होत असलेल्या व्हिडिओमध्ये दिसत आहे की, शहरातील रस्ते पाण्याखाली गेले असून काही भागांचा संपर्क तुटला आहे. पुराच्या पाण्यात अडकलेल्या नागरिकांपर्यंत पोहोचण्यासाठी आपत्कालीन पथके प्रयत्न करत आहेत.
चीनको निङमिङ सहर पानीमा डुबेको छ। विश्वले कोइला, ग्यास र तेलको अत्यधिक प्रयोग रोक्नुपर्छ। यो विश्वव्यापी तापक्रम वृद्धिको परिणाम हो। @UNSG_RBX https://t.co/BvyR09F26L
— Panta Nava Raj PhD (@nepalherald) August 25, 2026
पाणी पातळीत विक्रमी वाढ
निंगमिंगमध्ये पाण्याची पातळी सर्वोच्च पातळीवर पोहोचली. ती धोक्याच्या इशारा पातळीपेक्षा तब्बल 7.69 मीटरने अधिक झाली असून, यापूर्वीचा ऐतिहासिक विक्रमही 1.07 मीटरने मोडला आहे. यामुळे अनेक रहिवासी भाग पाण्याखाली गेले आहेत. एक कारखानाही पाण्याखाली गेला आहे. या ठिकाणी 30 हून अधिक लोक अडकले असल्याची माहिती समोर आली आहे. यातील एका कामगाराने सांगितले की मी यापूर्वी इतका भीषण पूर कधीही पाहिलेला नाही.
या पुराबाबत बोलताना आणखी एक कर्मचारी झेंग हेंग यांनी सांगितले की, ‘गेल्या दशकातील निंगमिंगमधील हा सर्वात भीषण पूर आहे. पाण्याची पातळी इतक्या वेगाने आणि इतकी वाढेल, अशी मला अपेक्षा नव्हती. मला खूप चिंता वाटत होती. संपर्क व्यवस्था बंद असल्यामुळे कुटुंबीयांचीही काळजी वाटत होती. आज सकाळी सुमारे 8 वाजता आम्हाला बचाव नौका एक-दोन तासांत पोहोचतील, अशी माहिती मिळाली. त्यामुळे मोठा दिलासा मिळाला. आता आम्ही सुरक्षितपणे बाहेर आलो आहोत आणि मला सुरक्षित वाटत आहे.’
Leave a Reply