विरारमधून एक मोठी बातमी समोर आली आहे. महाराष्ट्र नवनिर्माण सेनेचे (मनसे) अध्यक्ष राज ठाकरे यांच्याबद्दल अश्लील भाषेत वक्तव्य करणाऱ्या एका सुरक्षा रक्षकाला मनसेनं धडा शिकवला आहे. हा प्रकार विरारमध्ये घडला असून, मनसेनं आपल्या स्टाईलनं या सुरक्षा रक्षकाकडून माफीनामा लिहून घेतला आहे.
मिळालेल्या माहितीनुसार, संबंधित सुरक्षा रक्षकाने राज ठाकरेंबद्दल आक्षेपार्ह टिप्पणी करणारा एक व्हिडिओ तयार केला होता. हा व्हिडिओ सोशल मीडियावर व्हायरल झाल्यानंतर मनसेचे शहर सचिव जय जैतापकर यांच्या निदर्शनास आला. त्यानंतर जैतापकर आणि त्यांच्या कार्यकर्त्यांनी तात्काळ आक्रमक भूमिका घेतली.
मनसेच्या पदाधिकाऱ्यांनी संबंधित सुरक्षा रक्षकाला शोधून काढले. त्याला मनसे कार्यालयात बोलावून राज ठाकरेंबद्दल केलेल्या वक्तव्याबद्दल जाब विचारण्यात आला. सुरुवातीला टाळाटाळ करणाऱ्या सुरक्षा रक्षकाला मनसे स्टाईलनं समजावून सांगण्यात आले. त्यानंतर त्याने आपल्या चुकीची कबुली दिली आणि राज ठाकरेंची माफी मागणारा माफीनामा लिहून दिला. या घटनेमुळे परिसरात एकच चर्चा सुरू झाली आहे. मनसेनं आपल्या अध्यक्षांबद्दल केलेल्या आक्षेपार्ह वक्तव्यावर तात्काळ कारवाई करून आपला बाणा दाखवून दिला आहे.
Leave a Reply