Maharashtra News LIVE : राज्यात शिक्षकांची मेगाभरती होणार आहे. इयत्ता पहिली ते इयत्ता बारावीपर्यंतच्या शिक्षकांसाठी भरती प्रक्रिया राबवण्यात येणार आहे. तर गेल्या दोन दिवसांपासून कॉक्रोच जनता पार्टीची सुरू असलेली बैठक संपली. राष्ट्रीय कार्यकारणी जाहीर करण्यात आली. पुढील महिन्यात नवीन पक्ष हा देशातील तरुणाईशी संवाद साधणार आहे. पंतप्रधान नरेंद्र मोदी यांनी रात्री इन्स्टावर पुन्हा एक व्हिडिओ अपलोड केला. त्यांनी स्वदेशीचा मंत्र दिला. देशवासियांना स्वदेशी वापराचे आवाहन केले. तर विरोधी पक्षनेते राहुल गांधी हे सुद्धा इन्स्टावरून तरुणाईशी संवाद साधणार आहेत. उपमुख्तयमंत्री एकनाथ शिंदे हे आज पंतप्रधान नरेंद्र मोदी यांची भेट घेण्याची शक्यता आहे. केंद्रीय गृहमंत्री अमित शाह हे मुंबई दौऱ्यावर येत आहेत. तर मराठा आंदोलक मनोज जरांगे हे काल राज्य सरकारवर चांगलेच संतापले. त्यांनी उपमुख्यमंत्री एकनाथ शिंदे यांच्यावर डबल गेम केल्याचा आरोप केला. तर जात प्रमाणपत्र रद्द करण्याचा आदेश महसूलमंत्री चंद्रशेखर बावनकुळे यांनी दिल्याचा आरोप त्यांनी केला. फडणवीस यांच्यावरही त्यांनी आरोपांची राळ उडवली. आज जरांगे हे पश्चिम महाराष्ट्राच्या दौऱ्यावर आहेत. सुनेने आरोप केल्याप्रकरणी आज विनायक राऊत यांच्या खटल्यात निकाल येण्याची शक्यता आहे. आज भंडारा बंदची हाक देण्यात आली आहे. राज्यातील काही जिल्ह्यात पावसाचा धुमाकूळ दिसू शकतो. यासह राज्यातील आणि देशातील महत्त्वाच्या बातम्यांची अपडेट तुम्हाला इथं वाचता येईल.
Leave a Reply