मोशी कचरा डेपो दुर्घटनेप्रकरणी अँटोनी लारा रिन्युएबल एनर्जी कंपनीचा प्रकल्प प्रमुख आणि सुरक्षा अधिकाऱ्यावर सदोष मनुष्यवधाचा गुन्हा दाखल करण्यात आला आहे. मात्र पिंपरी चिंचवड महानगरपालिका पर्यावरण विभागाचे प्रमुख संजय कुलकर्णीना अभय देण्यात आलं आहे. पिंपरी-चिंचवडच्या मोशी कचरा डेपोतील दुर्घटनेप्रकरणी अखेर महापालिकेकडून भोसरी एमआयडीसी पोलीस ठाण्यात सदोष मनुष्यवधाचा गुन्हा दाखल झाला आहे. एमआयडीसी भोसरी पोलिसांनी अँटोनी लारा रिन्युएबल एनर्जी कंपनीचे प्रकल्प प्रमुख अशोककुमार गुप्ता आणि सुरक्षा अधिकारी विजय सपकाळ यांच्याविरोधात भारतीय न्याय संहितेच्या कलम 105, 125(A), 125(B), 3(5) या कलमांन्वये गुन्हा दाखल केला आहे. 8 जुलै रोजी मोशी कचरा डेपोतील कचऱ्याचा डोंगराचा काही भाग कोसळून भीषण दुर्घटना घडली होती. या दुर्घटनेत नऊ कामगारांचा मृत्यू झाला, तर अनेक जण जखमी झाले होते. आवश्यक सुरक्षा उपाययोजना न केल्याने आणि निष्काळजीपणा केल्याचा ठपका ठेवत महापालिकेच्या वतीने फिर्याद दाखल करण्यात आली आहे. यासह राज्यातील, देश-विदेशातील, क्रीडा आणि मनोरंजन क्षेत्रातील इतर बातम्यांचे अपडेट्स जाणून घेण्यासाठी हा ब्लॉग फॉलो करा..
Leave a Reply