पेट्रोल आणि डिझेलच्या (Diesel price) दरात आज तिसऱ्यांदा वाढ करण्यात आली आहे. आधी 15 मे रोजी पेट्रोलच्या दरात 3 रुपये वाढ झाली तर डिझेल 3.11 रुपयांनी महागलं. त्यानंतर चार दिवसांनी दोन्ही इंधन पुन्हा 86 पैसे आणि 83 पैशांनी महागली. आता दहा दिवसात तिसरी वाढ जाहीर करण्यात आली असून पेट्रोलचा प्रतिलीटर दर 87 पैसे तर डिझेलची किंमत 91 पैशांनी वाढली आहे. यामुळे सर्वसामान्य नागरिकांना मोठा फटका बसला आहे. दुसरीकडे पुण्यात काल झालेल्या पावसामुळे मेट्रोमध्ये पावसाच्या पाण्याची गळती झाली यामुळे मेट्रो प्रवाशांना याचा त्रास सहन करावा लागला. महागाईचे सत्र सुरूच असून पुण्यात पालेभाज्यांमध्येही दरवाढ झाली आहे. कडाक्याचे ऊन, अवकाळी पाऊस आणि घटलेली आवक यामुळे किरकोळ बाजारात भाजीपाल्याचे दर 25 ते 50 टक्क्यांनी वाढले. टोमॅटो, हिरवी मिरची आणि कोथिंबीरच्या भावात मोठी वाढ झाली आहे. यासह महाराष्ट्र , देश-विदेश, मनोरंजन, बिझनेस, क्रीडा क्षेत्रातील महत्वाच्या घडामोडींचे अपडेट तुम्हाला या ब्लॉगमध्ये वाचता येतील. दिवसभार फॉलो करा TV9 मराठीचा हा ब्लॉग..
Leave a Reply