जुलै महिन्याच्या पहिल्याच दिवशी केंद्र सरकारकडून लोकांना मोठे गिफ्ट देण्यात आले. गेल्या काही दिवसांपासून देशभरात एलपीजी गॅसच्या किमतीत सतत वाढ होताना दिसली. यासोबतच एलपीजी गॅसचा मोठा तुटवडाही होता. सतत भाव वाढत असल्याने घरांचे आर्थिक गणित बिघडत होते. यादरम्यानच आता अत्यंत आनंदाची आणि दिलासादायक बातमी आहे. तेल कंपन्यांनी 19 किलोच्या व्यावसायिक एलपीजी (LPG) सिलिंडरच्या किमतीत तब्बल 183.50 रुपयांपर्यंत मोठी कपात केली आहे. हा मोठा दिलासा आहे. कारण मागील काही महिन्यांपासून फक्त भाव वाढ होत होती. आता कुठेही दिलासा मिळाला. व्यावसायिक गॅस सिलेंडरच्या किमती सतत वाढत होत्या. याचा हॉटेल चालक आणि ग्राहकांना थेट फटका बसला. व्यावसायिक गॅस सिलेंडरच्या किमतीमध्ये जरी कपात केली असली तरीही अजून 14.2 किलोच्या घरगुती एलपीजी सिलिंडरच्या किमतीत कोणतेही बदल करण्यात आले नाहीत.
घरगुती गॅस सिलेंडरच्या किमतीपेक्षा इराण आणि अमेरिका युद्धात व्यावसायिक गॅस सिलेंडरचे दर सतत वाढताना दिसले होते. 1 जुलैलाच सरकारकडून हा दिलासा मिळाला. इराण आणि अमेरिका युद्ध 3 महिने सुरू होते. यादरम्यान सतत एलपीजी गॅसचा तुटवडा होता. इराणकडून होर्मुज खाडी बंद करण्यात आल्याने पुरवठा साखळी विस्कळीत झाली. ज्यामुळे एलपीजी गॅस मिळत नव्हता.
यादरम्यानच जागतिक बाजारात कच्च्या तेलाच्या किमतीही वाढत होत्या. ज्यामुळे सतत एलपीजी महागत होता. युद्ध थांबून काही आठवडे झाले. यादरम्यानच सरकारने एलपीजी गॅसच्या कितमी कमी करण्याचा निर्णय घेतला. आता लवकरच घरगुती गॅस सिलेंडरबाबतही मोठी घोषणा होऊ शकते, असा अंदाज आहे.
नवीन दरांनुसार, दिल्लीमध्ये 19 किलोच्या व्यावसायिक एलपीजी (LPG) सिलिंडरची किंमत 2,930 रुपये असेल. ही किंमत आधीच्या 3,113.50 रुपयांच्या तुलनेत कमी असून, यामुळे ग्राहकांना 183.50 रुपयांचा दिलासा मिळाला आहे. 1 डिसेंबर 2025 रोजी 19 किलोच्या व्यावसायिक सिलिंडरची किंमत 1,580.50 होती. जानेवारीत 2026 मध्ये त्यात वाढ होऊन 1,691.50 झाली. सतत सिलेंडरच्या किमतीत वाढ होऊ 3 हजाराच्या आसपास व्यावसायिक गॅस सिलेंडरच्या किमती पोहोचल्या. आता कुठे दिलासा मिळाला.
Leave a Reply