भारतीय क्रिकेटपटू ऋषभ पंतची कथित गर्लफ्रेंड ईशा नेगी पुन्हा एकदा सोशल मीडियावर चर्चेत आली आहे. ईशाने नुकताच जिममधील तिचे फोटो सोशल मीडियावर शेअर केले आहेत. या फोटोंमध्ये तिचा फिटनेस लूक आणि स्टायलिश अंदाज पाहायला मिळत आहे.
फोटो शेअर करताना ईशाने, “आयुष्य पूर्णपणे फुलून आले आहे…” असे कॅप्शन लिहिले आहे. या पोस्टमध्ये ईशाने ऋषभ पंतचा थेट कोणताही उल्लेख केलेला नाही. मात्र, तिच्या पोस्टनंतर पंतसोबतच्या तिच्या नात्याच्या चर्चा पुन्हा सुरू झाल्या आहेत.
ईशा सोशल मीडियावर सक्रिय असून ती नेहमी तिचे फोटो आणि लाइफस्टाइलशी संबंधित पोस्ट शेअर करत असते. ऋषभ पंत आणि ईशा नेगी यांचे नाव 2015 सालापासून एकमेकांशी जोडले जाते. दोघांच्या नात्याबाबत सोशल मीडियावर अनेक वर्षांपासून चर्चा सुरू आहे.
जानेवारी 2019 मध्ये पंतने ईशासोबतचा फोटो शेअर करत त्यांच्या नात्याची माहिती सार्वजनिक केली होती. 2022 साली मध्ये झालेल्या गंभीर कार अपघातानंतर ऋषभ पंतला दीर्घकाळ उपचार आणि रिकव्हरीमधून जावे लागले होते.
या कठीण काळात ईशा नेगीने पंतला पाठिंबा दिल्याचे वृत्तही समोर आले होते. पंतच्या पुनरागमनाच्या काळातही ईशाचे नाव त्याच्या जवळच्या व्यक्तींमध्ये घेतले जात होते. आता ईशाच्या नव्या जिम फोटोमुळे पंतसोबतच्या तिच्या नात्याची चर्चा पुन्हा रंगली आहे.
Leave a Reply