अमेरिका, इस्त्रायल आणि इराणमध्ये तब्बल 39 दिवस युद्ध सुरू होतं, त्यानंतर अखेर अमेरिका आणि इराणने युद्धविरामाची घोषणा केली. मात्र जरी युद्धविरामाची घोषणा झाली असली तरी देखील अजूनही स्ट्रीट ऑफ होर्मूज बंदच आहे. युद्धविरामाची घोषणा करतानाच इराणने तातडीने स्ट्रीट ऑफ होर्मूज सुरू करावं अशी अट अमेरिकेनं घातली होती. तर दुसरीकडे इस्त्रायलने आधी लेबनॉनवरील हल्ले बंद करावते असं इराणने म्हटलं होतं. मात्र युद्धविरामानंतर देखील इस्त्रायलकडून लेबनॉनवर हल्ले सुरूच होते, त्यामुळे इराणने देखील स्ट्रीट ऑफ होर्मूज जहाजाच्या वाहतुकीसाठी खुला केला नाही. तर दुसरीकडे आता अमेरिकेनं देखील हा मार्ग ब्लॉक केला आहे. डबल ब्लॉकमुळे संपूर्ण जगावरच मोठं ऊर्जा संकट निर्माण झालं आहे.
मात्र असं असताना आता एक मोठी बातमी समोर येत आहे. ती म्हणजे गुरुवारी लेबनॉन आणि इस्त्रायलमध्ये युद्धविरामाची घोषणा झाली. हा युद्धविराम असाच झाला नाही तर त्यासाठी सौदी अरेबियाचे प्रिंस मोहम्मद बिन सलमान यांनी पुढाकार घेतल्याचं आता समोर आलं आहे. एका रिपोर्टनुसार त्यांनी आधी अमेरिकेचे राष्ट्रापती डोनाल्ड ट्रम्प यांना फोन केला आणि त्यांना सांगितलं की तुम्ही कोणत्याही परिस्थितीमध्ये लेबनॉन आणि इस्त्रायलमध्ये यु्द्धविराम घडवून आणा, त्यानंतर त्यांनी युद्धविरामासाठी इस्त्रायलवर देखील दबाव निर्माण केला आणि शेवटी हा युद्धविराम घडून आला.
दरम्यान स्ट्रीट ऑफ होर्मूज बंद असल्यामुळे त्याचा फटका हा सौदी अरेबियाला देखील बसत आहे. इराणने अशी अट घातली होती की जोपर्यंत लेबनॉनवरील हल्ले बंद होणार नाहीत, तोपर्यंत आम्ही पुन्हा एकदा वाहतुकीसाठी स्ट्रीट ऑफ होर्मूज सुरू करणार नाहीत, परंतु आता सौदीच्या मध्यस्थीने इस्त्रायल आणि लेबनॉनमध्ये युद्धविराम घडवून आला आहे. त्यामुळे आता इराणला देखील होर्मूजची सामुद्रधुनी पुन्हा एकदा ओपन करावीच लागणार आहे, अता इराणच्या भूमिकेकडे सर्व जगाचं लक्ष लागलं आहे. सध्या या मार्गाने दिवसभरात केवळ 15 चं जहाजांना जाण्याची परवानगी इराणकडून देण्यात आली आहे, मात्र आता सौदीच्या मध्यस्थीमुळे मोठं संकट टळण्याची शक्यता आहे. इराण पुन्हा एकदा हा मार्ग वाहतुकीसाठी ओपन करू शकतो, कारण आता लेबनॉनवरील हल्ले बंद झाले आहेत.
Leave a Reply