आयपीएल 2026 सुरु असताना आता आंतरराष्ट्रीय क्रिकेटमध्ये द्विपक्षीय मालिका खेळवण्यात येत आहे. बांगलादेश विरुद्ध न्यूझीलंड यांच्यात एकदिवसीय मालिका खेळवण्यात येत आहे. तर टीम इंडिया विरुद्ध दक्षिण आफ्रिका वुमन्स टी 20i सीरिजला 17 एप्रिलपासून सुरुवात होत आहे. अशात मोठी अपडेट समोर आली आहे. ऑस्ट्रेलिया क्रिकेट टीम जून महिन्यात बांगलादेश दौऱ्यावर जाणार आहे. ऑस्ट्रेलिया या दौऱ्यात बांगलादेश विरुद्ध वनडे आणि टी 20i मालिका खेळणार आहे. दोन्ही मालिकांमध्ये प्रत्येकी 3-3 सामने खेळवण्यात येणार आहेत. या दोन्ही मालिकांचं वेळापत्रक जाहीर करण्यात आलं आहे. (Photo Credit : Getty)
बांगलादेश विरुद्ध ऑस्ट्रेलिया यांच्यात या निमित्ताने तब्बल 15 वर्षांनंतर वनडे सीरिजचा थरार पाहायला मिळणार आहे. उभयसंघातील एकदिवसीय मालिकेला 9 जूनपासून सुरुवात होणार आहे. त्यानंतर 17 जूनपासून टी 20i मालिका खेळवण्यात येणार आहे. (Photo Credit : Getty)
ऑस्ट्रेलिया विरुद्ध बांगलादेश यांच्यात अखेरीस 2011 साली एकदिवसीय मालिका खेळवण्यात आली होती. ऑस्ट्रेलियाने त्या मालिकेत यजमान बांगलादेशला 3-0 ने क्लिन स्वीप केलं होतं. (Photo Credit : Getty)
तसेच ऑस्ट्रेलियाची 2021 नंतर बांगलादेश दौऱ्यावर जाण्याची पहिलीच वेळ असणार आहे. उभयसंघात 2021 साली 5 सामन्यांची टी 20i मालिका खेळवण्यात आली होती. बांगलादेशने तेव्हा ऑस्ट्रेलियाला 4-1 ने पराभूत केलं होतं. (Photo Credit : Getty)
तसेच बांगलादेश ऑगस्ट महिन्यात ऑस्ट्रेलिया दौऱ्यावर असणार आहे. तेव्हा दोन्ही संघांत 2 कसोटी सामने खेळवण्यात येणार आहे. दोन्ही संघांसाठी ही मालिका वर्ल्ड टेस्ट चॅम्पियनशीप 2025-2027 साखळीच्या हिशोबाने महत्त्वाची असणार आहे. (Photo Credit : Getty)
Leave a Reply