दिल्ली कॅपिटल्सची आयपीएल स्पर्धेतील स्थिती नाजूक झाली आहे. विजयाने सुरूवात केली पण आता पराभवाचं तोंड पाहावं लागत आहे. असं असताना वेगवान गोलंदाज लुंगी एन्गिडीबाबात एक वाईट बातमी आली आहे. आरसीबीविरुद्धच्या सामन्यात खेळणार नाही हे निश्चित होतं. आता अजून सामन्यांना मुकण्याची शक्यता आहे. (Photo: PTI)
रॉयल चॅलेंजर्स बंगळुरू विरूद्धच्या सामन्यात नाणेफेकीचा कौल झाल्यानंतर लुंगी एन्गिडीबाबत अपडेट मिळाले. त्यात राजस्थान रॉयल्स विरूद्धच्या सामन्यात खेळणार नसल्याचं स्पष्ट झालं. इतकंच काय तर चेन्नई सुपर किंग्सविरुद्धच्या सामन्यातही खेळण्याची शक्यता कमी आहे. (Photo: PTI)
पंजाब किंग्सविरुद्धच्या सामन्यात लुंगी एन्गिडीला झेल पकडताना गंभीर दुखापत झाली होती. प्रियांश आर्याने उंच फटका मारला होता. हा झेल पकडताना लुंगी एन्गिडी पाठी गेला आणि त्याचा तोल गेला. डोकं आणि मानेवर आपटला. त्यामुळे जागचं उठता आलं नाही. (Photo: PTI)
लुंगी एन्गिडी काही मिनिटं मैदानात झोपूनच होता. त्याला डोकंही हलवता येत नव्हतं. त्यामुळे मैदानात रुग्णवाहिका बोलावली आणि त्याला दिल्लीच्या मॅक्स रुग्णालयात दाखल करण्यात आलं. (Photo: PTI)
लुंगी एन्गिडी आतापर्यंत सात सामने खेळले असून 7 विकेट घेतल्या आहेत. त्याने 8.7 च्या इकोनॉमी रेटने प्रति षटकं धावा दिल्या आहेत. आता लुंगी एन्गिडी मैदानात कधी परततो याची प्रतीक्षा आहे. (Photo: PTI)
Leave a Reply